Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(33:25) (آيت نمبر:سورة نمبر)
ورد الله الذين كفروا بغيظهم لم ينالوا خيرا وكفى الله المؤمنين القتال وكان الله قويا عزيزا

وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ۚ وَكَفَى اللَّهُ الْمُؤْمِنِينَ الْقِتَالَ ۚ وَكَانَ اللَّهُ قَوِيًّا عَزِيزًا
له کابلي تفسير څخه پښتو ژباړه:
 اوبيرته وشړل الله ( له مدينې نه ) هغه كسان چې كافران شوي وو( په ماتې بې له جنګه ) سره له قهره خپله ( ډك زړونه) چې وئې نه موندهيڅ خير( برى پرمؤمنانو)، اوكفايت وكړالله مؤمنانوته دجنګ كولو( په امداددپرښتو) اودى الله قوي ښه زورور ( په انفاذ داحكامو) ډيرزبردست ( په هرچااوپه هرشي ).
د مولوي قيام الدين کشاف پښتو ژباړه:
الله دكافرانو مخ واړوه ، هغوې له كومې ګټې ترلاسه كولو پرته د خپلو زړونو له تاو سره همداسې بېرته ستانه شول ، او د مومنانولخوا هماغه الله د جنګېدو لپاره كافي شو ، الله ډير زورور او برلاسى دى.
له کابلي تفسير کتاب څخه پښتو تفسير:
 تفسير : يعنې د كفارو افواجو سره له ذلت او ناكامى پدغه حال كې چې سر تاوونه او پيچونه يې خوړل اوله ډيره قهوه او غصې څخه به يې غاښونه چيچل د جنګ ډګر يې پرېښود او بېرته خائب او خاسر خپلو كورو ته ولاړل هو ! د عمرو بن عبدود په شان د كفارو ډير نوميالي سپور چې خلكو به ده ته د يو زرو سپرو په شان اهميت وركاوه په دغه جنګ كې د سيدنا على كرم الله وجهه په توره ووژل شو مشركينو وغوښته چې مونږ تاسې ته لس زره ديناره دركوو خو د عمروبن عبدود مړى مونږ ته راكړى ! رسول الله صلی الله عليه وسلم وفرمايل چې : ( راځئ په ډيره خوښى سره خپل مړى يوسئ او پيسئ دې هم ستاسې وي ولې چې مونږ د مړى د پيسو خوړونكي نه يو ) .
وَکَفَی اللہُ الْمُؤْمِنِیْنَ الْقِتَالَ وَکَانَ اللہُ قَوِیًّا عَزِیْزًا
تفسير : يعنې له مسلمانانو سره د عمومي جنګ او جګړې وار ونه رسېد الله جل جلاله په خپل قدرت سره ډير سخته سېلى پر دوى مسلط كړه او د پرښتو لښكر يې وروليږه او داسې اثار يې پيداكړل چې كفار په خپل سر وارخطاء او پريشان شول او فرار يې پر قرار اختيار كړ د پاك الله جل جلاله د زورور او زبردست قوت په مقابل كې څوك درېداى شي ؟

Source: {powered by: islamlacom.com}[ جُز يا پاره - اتل مآ اوحی 21 ؛ سورة - الأحزاب 33 ؛ آيت - 25 ] (33:25)