Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(35:23) (آيت نمبر:سورة نمبر)
إن أنت إلا نذير

إِنْ أَنْتَ إِلَّا نَذِيرٌ
له کابلي تفسير څخه پښتو ژباړه:
 نه يې ته ( اى محمده ! ) مګرويروونكى ( دمنكرانوله جحيمه ) .
د مولوي قيام الدين کشاف پښتو ژباړه:
ته خو فقط يو خبرداروونكى يې.
له کابلي تفسير کتاب څخه پښتو تفسير:
 تفسير : يعنې كه الله جل جلاله اراده وكړي نو مړيو ته يې هم اورولى شي حال دا چې ددغې خبرې قدرت نورو ته نشته همداسې وګڼئ چې د رسول الله صلی الله عليه وسلم كار دعوت ، تبليغ ، پيغام رسول او په خير او شر باندې پوهول او خبرول دي كه زړه مړى كافران دغه خبرې وانه وري نو هغه اورول د حضرت محمد رسول الله صلی الله عليه وسلم له قوته او قدرته پورته دي . حضرت شاه صاحب رحمه الله ليكى : ( يعنې ګرد خلك سره نه دي برابر د هرچا په نسبت چې د ايمان د اعطاء فيصله شوى ده همغه به د ايمان خاوند كيږي كه نه هومره ډير خلك چې د ايمان هيله او اميد وكړي كله يې ورپه برخه كيږي دغه يې فرمايلې دي چې ( نه تياره نه رڼا ) يعنې نه تياره له رڼاسره برابره او نه رڼا له تيارى سره ( په دغه سره يې د ( لا ) د تكرار فائده راوښوده ) او ويې فرمايل : او نه يې ته اوروونكى هغو ته چې په هديرو كې پراته دي ( په حديث شريف كې راغلي دي چې مړيو ته سلام واچوئ ! او په ډيرو ځايو كې مړيو ته خطاب هم كړى شوى دى ددې خبرې حقيقت دادى چې د مړى روح اورى او هغه جثه يې چې په قبر كې پرته ده نه اورى ) دغه بحث پخوا له دې نه د ( نمل ) د سورت په اخر كې تېر شوى دى هلته دې وكتل شي !
Source: {powered by: islamlacom.com}[ جُز يا پاره - و من يقنت 22 ؛ سورة - فاطر 35 ؛ آيت - 23 ] (35:23)