Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(37:102) (آيت نمبر:سورة نمبر)
فلما بلغ معه السعي قال يا بني إني أرى في المنام أني أذبحك فانظر ماذا ترى قال يا أبت افعل ما تؤمر ستجدني إن شاء الل

فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ
له کابلي تفسير څخه پښتو ژباړه:
 پس كله چې ورسيداسمعيل سره له پلار خپل حددسعى ته وويل ( ابراهيم ) اى ځويګوټيه زمابيشكه زه پرله پسې وينم په خوب كې داسې چې بيشكه زه ذبحه كوم تايس ته هم نظروكړه چې څرنګه مصلحت ګڼي ؟ وويل ( اسمعيل ) اى پلاره زماوكړه همغه چې حكم يې درباندې شوى دى ژرده چې وبه مومې ته ماكه اراده فرمايلې وي الله له صبر كوونكو( په حكم دالله ) .
د مولوي قيام الدين کشاف پښتو ژباړه:
هغه هلك چې كله له هغه سره دمنډو ترړوكولو منګ ته ورسېده نو ( يوه ورځ ) ابراهيم هغه ته وويل : زويه ! زه په خوب كې وينم چې زه تا ذبحه كوم ، اوس ته ووايه چې ستانظر څه دى ؟ هغه وويل : ((پلاره ! څه چې تاته حكم كېږي هغه وكړه ، ته به انشاءالله ماله صابرانو څخه ومومې)).
له کابلي تفسير کتاب څخه پښتو تفسير:
 تفسير : څه مهال چې حضرت اسمعيل عليه السلام لوى ځلمكى ( ځڼكى ) او ددغه كار وړ او قابل شو چې د خپل
پلار په مخ كې منډې ووهى او ورسره وځغلى او دده په كارو كې ورسره سعى كوښښ وكړى او زيار وكاږى نو په دغه وخت كې حضرت ابراهيم عليه السلام خپل خوب دغه خپل په زړه پورې يو ځوى ته ووايه خو دده افكار او خيالات ځانته معلوم كړى چې په خوښى سره دغه كار ته تياريږي ؟ كه جبر او اكراه ته هم وار رسيږي ؟ وايي چې حضرت ابراهيم عليه السلام پرله پسې درې شپې همدغسې خوب ليده په دريمه ورځ كې يې خپل ځوى ته هم د هغه اطلاع وركړه چې ځوى يې هم بلاتوقفه ومنله او ويې ويل : ( باباجانه ! ( نو ولى ډيل او ځنډ كوئ ؟ ) هر هغه حكم چې د لوى مالك له جانبه تاسې ته شوى دى ژر تر ژره يې اجراء او نافذ كړئ ! په دغسې كارو كې هيڅ صلاح او مشورى ته ضرورت نشته د الله جل جلاله د حكم په امتثال كې نه ښايي چې د پلار توب شفقت مانع شى زما له جانبه بېخي مطمئن او ډاډه اوسئ ! انشاء الله تاسې به وګورئ چې زه په څه صبر او تحمل سره د الله جل جلاله ددغه حكم تعميل كوم ) په زرګونو رحمتونه دى وي پر دغسې پلار او ځوى باندې .
Source: {powered by: islamlacom.com}[ جُز يا پاره - و مالی 23 ؛ سورة - الصافات 37 ؛ آيت - 102 ] (37:102)