Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(38:2) (آيت نمبر:سورة نمبر)
بل الذين كفروا في عزة وشقاق

بَلِ الَّذِينَ كَفَرُوا فِي عِزَّةٍ وَشِقَاقٍ
له کابلي تفسير څخه پښتو ژباړه:
 بلكې هغه كسان چې كافران شوي دي په كبر، سركشۍ كې دي ( له قبوله د-حق ) اوپه مخالفت كې دي ( له مسلماني سره ) .
د مولوي قيام الدين کشاف پښتو ژباړه:
بلكې همدغه خلك چې له منلونه يې انكار كړيدى په سخت تكبر او ځېل كښې اخته دي.
له کابلي تفسير کتاب څخه پښتو تفسير:
 تفسير : يعنې دغه عظيم الشان ، عاليمرتبة قرآن ( چې په ډيرو عمده وو نصائحو سره ډك او په نهايت موثر طرز خلكو ته د هدايت او معرفت خبرې ښوونكى او پوهونكى دى ) په جګ غږ سره شهادت وركوى هغه خلك چې له قرآنى صداقت او د حضرت محمد رسول الله صلی الله عليه وسلم له رسالت څخه منكر دى د هغه سبب داسې نه دى چې د قرآن په تعليم يا تفهيم كې څه نقص يا قصور شته يا رسول الله صلی الله عليه وسلم دده په تبليغ او تبيين كې معاذالله مقصر دى بلكې ددغه انكار او انحراف اصلى سبب دادى چې دغه مخلوق درواغ پرې تړى ، چټى لويى ، تكبر ، ځانمنمى ، غرور ، نخوت ، معاندت ، مخالفت ، جهالت او حماقت كوي او د شقاق او نفاق د جذباتو په جال كې نښتې دى كه چيرې دوى لږ څه له دغه دلدل څخه ووځى نو د حق او صداقت ډير صاف او پاك سړك د دوى په نظر ورځى .
Source: {powered by: islamlacom.com}[ جُز يا پاره - و مالی 23 ؛ سورة - ص 38 ؛ آيت - 2 ] (38:2)