Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(30 (31 (32 (33 (34 (35 (36 (37 (38 (39 (3:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(38:26) (آيت نمبر:سورة نمبر)
يا داوود إنا جعلناك خليفة في الأرض فاحكم بين الناس بالحق ولا تتبع الهوى فيضلك عن سبيل الله إن الذين يضلون عن سبيل

يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَىٰ فَيُضِلَّكَ عَنْ سَبِيلِ اللَّهِ ۚ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ
له کابلي تفسير څخه پښتو ژباړه:
 اى داؤده بيشكه مونږګرځولى مويې ته خليفه په ځمكه كې چې ( لوى سلطنت مودركړى دى)پس حكم وكړه په منځ دخلكوكې په حق سره اومتابعت مه كوه دهوا( دنفس په احكاموكې ) پس ګمراه به كړي ( دغه هوا) تاله لياره دالله بيشكه هغه كسان چې ګمراه كيږي له ليارې دالله ( بعدم الايمان به ) شته دوى ته عذاب سخت . په سبب دهيرولوددوى ورځې لره .
د مولوي قيام الدين کشاف پښتو ژباړه:
( مونږهغه ته وويل ) اي داؤده ! مونږته په ځمكه كښې خليفه ګرځولى يې له دې كبله ته دخلكو په مينځ كښې په حقه حكم وكړه او دنفسي غوښتنې پيروي مه كوه چې هغه به تا دالله له لارې نه واړوي.كوم كسان چې دالله له لارې نه بې لارې كيږي په يقيني ډول دهغولپاره سخته سزاده چې هغودحساب ورځ هيره كړه.
له کابلي تفسير کتاب څخه پښتو تفسير:
 تفسير : يعنې اې داوده ! الله جل جلاله په ځمكه كې ته خپل نائب ګرځولى يې لهذا د هغه پر احكامو عمل او تګ وكړه ! او د معاملاتو فيصله سم د عدل او انصاف او د الله جل جلاله له شريعت سره موافق وكړه څو په هيڅ يوه معامله كې هم د يوې ذرې د نفسانى خواهش ادنٰى شائبه هم پيدا نشى ځكه چې دغه شى انسان د الله جل جلاله له ليارې څخه بې ليارې كوى او څه مهال چې انسان د الله جل جلاله له ليارې څخه بې ليارې شو نو بيا دى د ښې ورځې او د ښه ځاى خاوند نه كيږي .
بِمَا نَسُوا يَوْمَ الْحِسَابِ
تفسير : يعنې عموماً د نفسانى خواهشو متابعت او پيروى ددې لامله كيږي چې د انسانانو په ياد كې د حساب او كتاب ورځ نه پاتې كيږي كه دغه ورځ يې تل په ياد پاتې وي چې زه هرومرو يوه ورځ له الله جل جلاله سره مخامخ كيدونكى يم او د يوې ذرې حساب به هم له ما څخه اخيست كيږي نو انسان به هيڅكله خپل خواهش د الله جل جلاله پر مرضى نه وړاندې كوى .
تنبيه : ممكن دى چې د ( يَوْمِ الْحِسَابِ ) تعلق د ( لَهُمْ عَذَابٌ شَدِيدٌ ) سره وى او له ( نسوا ) سره نه وى يعنې د الله جل جلاله د احكامو د هيرولو په سبب به د قيامت په ورځ كې پر دوى باندې سخت عذاب نازليږي .

Source: {powered by: islamlacom.com}[ جُز يا پاره - و مالی 23 ؛ سورة - ص 38 ؛ آيت - 26 ] (38:26)