Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(40:26) (آيت نمبر:سورة نمبر)
وقال فرعون ذروني أقتل موسى وليدع ربه إني أخاف أن يبدل دينكم أو أن يظهر في الأرض الفساد

وَقَالَ فِرْعَوْنُ ذَرُونِي أَقْتُلْ مُوسَىٰ وَلْيَدْعُ رَبَّهُ ۖ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ
له کابلي تفسير څخه پښتو ژباړه:
 اووويل فرعون ( عملې خپلې ته ) پريږدۍ (اى مشرانو)ماچې ووژنم موسى اوراودې بولي ( موسى) رب خپل (چې خلاص يې كړي له ما) ( وويل فرعون ) بيشكه چې زه ويريږم چې بدل به كړي ( موسى ) دين ستاسې ( اى قبطيانو!) يابه ظاهركړي ( موسى ) په ځمكه ( دمصر) كې فساد( اومخالفت په منځ زمونږكې ) .
د مولوي قيام الدين کشاف پښتو ژباړه:
(يوه ورځ) فرعون خپلو درباريانو ته وويل (( ماپرېږدئ زه موسٰي وژنم ، اودى دې خپل رب ته غږكړي.زه وېرېږم چې دى به ستاسې دين بدل كړي ، يابه په هېواد كښې فساد راولاړكړي)).
له کابلي تفسير کتاب څخه پښتو تفسير:
 تفسير : حضرت شاه صاحب رحمه الله ليكى : ( فرعون وويل ما پريږدئ ! ښايي چې دده د سلطنت اركانو به د موسٰى عليه السلام د وژلو مشوره نه وي وركړي او هغوى دده د معجزاتو له ليدلو څخه متاثر شوي او ويريدلي وو او له دېنه ډاريدل نه چې د موسٰى عليه السلام رب زمونږ څخه انتقام واخلي .
پخپله فرعون هم ويريدلى او سخت مرعوب او منفعل شوى وو ليكن خپل دغه خوف او بيم به يې پټاوه او په خلكو كې به يې د خپل قوت او شجاعت او د انتهائې درجې شقاوت او بې حيائى د اظهار دپاره دغسې خبرې كولى څو خلك وګڼى چې د فرعون په مخ كې د موسٰى عليه السلام د وژلو په لياره كې هيڅ يوه مانع او رادع نشته او د فرعون د ارادې په مقابل كې هيڅ يو قوت او طاقت نشى دريدلى ) .
إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ
تفسير : يعنې كه موسٰٰى عليه السلام ژوندى پريښود شي نو دديني او دنيوي د دواړو قسمو د نقصانو اندېښنه ده ممكن دى چې دى د خپل وعظ او تلفين په اثر ستاسې هغه مذهبى دود او دستور درخراب كړى چې له پخوا راهيسې جريان او دوام لري يا د سازش او د نورو وسائلو جال په ځمكه كې وغځوى او خپور يې كړى او په مملكت كې انقلاب ، تطور او بدامني واچوي چې نتيجه به يې داسې كيږي چې د تاسې ( قبطيانو ) حكومت به خاتمه ومومي او سلطنت به دبني اسرائيلو ( سبطيانو ) په لاس كې ورشي .

Source: {powered by: islamlacom.com}[ جُز يا پاره - فمن اظلم 24 ؛ سورة - غافر 40 ؛ آيت - 26 ] (40:26)