Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(41:10) (آيت نمبر:سورة نمبر)
وجعل فيها رواسي من فوقها وبارك فيها وقدر فيها أقواتها في أربعة أيام سواء للسائلين

وَجَعَلَ فِيهَا رَوَاسِيَ مِنْ فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاءً لِلسَّائِلِينَ
له کابلي تفسير څخه پښتو ژباړه:
 اوپيداكړي دي ( الله ) پدغه ( ځمكه ) كې درانه كلك محكم غرونه دپاسه ددينه اوبيايې بركت كيښودپه دغه ( ځمكه ياغرو) كې اومقرره ( په اندازه ) كړى يې ده په دې ځمكه كې روزي ( داهل ) ددې . په څلورو ورځوكې برابردى لپاره دپوښتنې كوونكو( له پيداكولودځمكې اودمافيها) .
د مولوي قيام الدين کشاف پښتو ژباړه:
هغه ( دځمكې له مينځ ته راوړلو نه وروسته ) پرهغې دپاسه غرونه مېخ كړل او په هغې كښې يې بركتونه واچول اوپه هغې كښې يې دټولو غوښتونكو لپاره دهر يوه له غوښتنې او اړتيا سره سم په صحيح اندازه خوراكي مواد برابر كړل.دغه ټولې چارې په څلورو ورځوكښې سرته ورسېدلې.
له کابلي تفسير کتاب څخه پښتو تفسير:
 تفسير : ( او بيا يې بركت كيښود په دغه ځمكه يا غرو كې يعنې قسم ــ قسم كانونه ، ونې ، ميوې ، ثمرات ، غلى او حيوانات او نور له ځمكې څخه وځى ( او مقرره او په اندازه كړى يې ده په دې ځمكه كې روزى د اهل ددى ) يعنې پر ځمكه باندې يې د هستيدونكيو خواړه په يوې خاصى اندازې او حكمت سره به ځمكه كې كيښودل لكه چې د هر اقليم او د هر ملك د هستيدونكيو له طبايعو او له ضرورياتو سره يې موافق خواړه مهيا او تهيه فرمايلى دى ( او الله جل جلاله پيداكړه ځمكه ، غرونه او نوراو مقدر يې كړل اوقات ) .
فِي أَرْبَعَةِ أَيَّامٍ سَوَاء لِّلسَّائِلِينَ
تفسير : يعنې ګرد كارونه په څلورو ورځو كې وشول په دوو ورځو كې ځمكه پيداكړل شوه او په دوو ورځو كې ( چې سه شنبه او چهارشنبه دي ) د دوى د نورو متعلقاتو بندوبست وشو هر څوك چې پوښتنه كوي يا د پوښتنې كولو اراده لري هغوى ته دغه وروښيه ! چې دغه ټول په څلورو ورځو كې بې له تزئيده او تنقيصه په وجود راغلى دى حضرت شاه صاحب رحمه الله ليكى : ( يعنې ( د پوښتنو كوونكيو ) جواب پوره شو ) .
تنبيه : دلته له ورځو ځينې په ظاهرى صورت سره هم همدغه معروفى او متبا درې ورځې نشى مراد كيداى ځكه چې د ځمكې او د لمر او د نورو موجوداتو له وجوده پخوا د هغه وجود له سره نه دى متصور لا محاله له دغو څلورو ورځو څخه به د هغو مقدار مرادوى يا به هغه ورځې ترې مرادې وى چې د هغو په نسبت يې فرمايلى دي ( وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ ) ( د الحج ۶ ركوع زمونږ ددغه مقدس تفسيركې ) والله اعلم .

Source: {powered by: islamlacom.com}[ جُز يا پاره - فمن اظلم 24 ؛ سورة - فصلت 41 ؛ آيت - 10 ] (41:10)