Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(44:11) (آيت نمبر:سورة نمبر)
يغشى الناس هذا عذاب أليم

يَغْشَى النَّاسَ ۖ هَٰذَا عَذَابٌ أَلِيمٌ
له کابلي تفسير څخه پښتو ژباړه:
 چې پټ به كړي ټول مخلوق ( وبه وايي دوى ) دغه عذآب ډيردردناك دى .
د مولوي قيام الدين کشاف پښتو ژباړه:
او هغه پرخلكو باندې خپورشي ، دغه دردناكه سزاده
له کابلي تفسير کتاب څخه پښتو تفسير:
 تفسير : له ( لوګى ) څخه دلته څه مراد دى ؟ په دغه مورد كې د اسلافو دوه قوله دي ابن عباس رضي الله عنه او نور وايي چې قيامت ته نژدې به يو لوګى پورته كيږي چې ګرد خلك به پټوى نيكو سړيو ته به دده ډير لږ خفيف څه اثر د زكام او والګى په شان ورسيږي او د كفارو او منافقينو په ستونيو او دماغو كې ننوځي او بې سده كوى يې دلته همغه لوګى مراد دى ښايي دغه لوګى همغه د سماواتو ماده وى چې د هغه ذكر په ( ثُمَّ اسْتَوَى إِلَى السَّمَاء وَهِيَ دُخَانٌ ) كې شوى دى ګواكې آسمان تحليل او د خپل اصلى حالت په طرف عود كوى او دغه به يې ابتداء وى والله اعلم .
ابن مسعود رضي الله عنه په ډير قوت سره ادعا كوى چې له دغه آيت څخه مراد هغه لوګى نه دى چې د قيامت له علايمو څخه دى بلكې رسول الله صلی الله عليه وسلم كله چې د قريشو له تمرد او طغيان څخه په تنګ شو نو دعا يې وفرمايله چې الله جل جلاله پر دوى تر اوو كلو پورې مسلسل قحط مسلط كړ همغسې چې د يوسف عليه السلام په زمانه كې پر مصريانو مسلط شوى وو لكه چې قحط پر دوى مسلط شو چې مكيانو به په هغه كې له مردارو او له پوستكو او له هډوكو څخه خوړل غالباً په همدغه دوران كې د ( يمامه ) رئيس ثمامه بن اثال رضي الله عنه په اسلام سره مشرف شو او د ماكولاتو د هغو ګودامو ليږل يې منع كړل چې له هغه ځايه مكې معظمې ته تلل .
الغرض مكيان د لوږى له لاسه مړه كيدل او دغه مسلمه او ښكاره خبره ده چې د مسلسلې وچكالى او قحط په زمانه كې به د جو يعنې د ځمكې او آسمان په منځ كې د لوګى په شان دوړى او غبار په نظر راځي او برسيره په دې د اوږده مدت د باران د نه وو ريدلو څخه ګرد غبار او دوړى له ځمكې څخه پورته كيږي او د آسمان په لورى د لوګى په شان لويه ګرد له او سپيرى دوړې ترې معلوميږي چې هغه يې دلته په ( دخان ) سره تعبير فرمايلى دى په دغه تقرير په ( يَغْشَى النَّاسَ ) كې به له خلكو څخه مراد مكيان وي ګواكې دغه يو پخوا ويل و چې پوره شو كما يدل عليه قول تعالٰى ( فَارْتَقِبْ ) .
Source: {powered by: islamlacom.com}[ جُز يا پاره - اليه يرد 25 ؛ سورة - الدخان 44 ؛ آيت - 11 ] (44:11)