Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(45:13) (آيت نمبر:سورة نمبر)
وسخر لكم ما في السماوات وما في الأرض جميعا منه إن في ذلك لآيات لقوم يتفكرون

وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ
له کابلي تفسير څخه پښتو ژباړه:
 اوپه كارلګولى مسخركړى يې دى تاسې ته هرهغه شيان چې په آسمانوكې دي ( لكه لمرقمرنجوم ) اوهرهغه شيان چې په ځمكه كې دي ( لكه اوبه خاوره اوحيوانات اونور) ټول ( مسخر) له ( طرفه د) الله ( دى ) . بيشكه په دغه ( تسخير) كې خامخالوى دلائل ( دقدرت ) دي لپاره دهغه قوم چې فكركوي ( په دغومخلوقاتوكې ) .
د مولوي قيام الدين کشاف پښتو ژباړه:
هغه د اسمانونو او ځمكې ټول شيان ستاسې لپاره مسخر كړل ، هر څه له خپل لوري نه، پدې كښې سترى نښانې دي دهغو خلكو لپاره چې غور او فكر كوونكي دي.
له کابلي تفسير کتاب څخه پښتو تفسير:
 تفسير : يعنې پخپل حكم او قدرت سره يې دغه ګرد شيان ستاسې په كار كې لګولى دى دغه د الله جل جلاله لويه مهربانى او فضل دى چې دغسې عظيم الشان مخلوقات يې د انسانانو د خدمت ، منفعت او چړچو دپاره په كار كې لګولى دى .
إِنَّ فِي ذَلِكَ لَآيَاتٍ لَّقَوْمٍ يَتَفَكَّرُونَ
تفسير : كه انسان فكر او غور وكړى نو پوهيدلى شى چې دغه شى دده له توانه ، قوته او قدرته وتلى وو محض د الله تعالٰى په فضل او دده د كامل قدرت په بركت دغه ګرد شيان زمونږ په كارو كې بوخت او لګيا دي نو لامحاله زمونږ دپاره هم دغه كار په كار دى چې په كوم كار كې مشغول او لګيا شو او هغه كار همدا دى چې خپل عمر د هغه حقيقى منعم او على الاطلاق محسن په عبادت او اطاعت كې تير كړو چې زمونږ خالق او مالك دى او پخپل مستعار حيات كې يوه شيبه هم د الله جل جلاله له ياده غافل نشو څو په هغه سره زمونږ عاقبت مسعود شى .

Source: {powered by: islamlacom.com}[ جُز يا پاره - اليه يرد 25 ؛ سورة - الجاثية 45 ؛ آيت - 13 ] (45:13)