Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(47:25) (آيت نمبر:سورة نمبر)
إن الذين ارتدوا على أدبارهم من بعد ما تبين لهم الهدى الشيطان سول لهم وأملى لهم

إِنَّ الَّذِينَ ارْتَدُّوا عَلَىٰ أَدْبَارِهِمْ مِنْ بَعْدِ مَا تَبَيَّنَ لَهُمُ الْهُدَى ۙ الشَّيْطَانُ سَوَّلَ لَهُمْ وَأَمْلَىٰ لَهُمْ
له کابلي تفسير څخه پښتو ژباړه:
 بيشكه هغه كسان چې بيرته ګرځيدلي دي ( له ايمانه ) پرشاؤخپلوپس له هغې څخه چې ښكاره شوى ده دوى ته سمه لياره شيطان ښايسته كړى دوى ته ( ګناهونه ) اومهلت ښكاره كړى دى ( شيطان ) دوى ته .
د مولوي قيام الدين کشاف پښتو ژباړه:
حقيقت دادى كوم كسان چې دهدايت له روښانه كيدونه وروسته له هغه نه په شا وګرځيدل د هغو لپاره شيطان دغه كړنلاره اسانه كړيده او د درواغجنو هيلو لړۍ يې دهغو لپاره اوږده كړيده.
له کابلي تفسير کتاب څخه پښتو تفسير:
 تفسير : منافقان وروسته د اسلام له اقراره او د هغه د رښتيا ګڼلو له اعتراف څخه كله چې د ازموينى وخت راشى د خپل قول او اقرار څخه غاړه غړوى او په جهاد كې له مسلمانانو سره ملګرتوب نه كوى شيطان هغوى ته دا خبره ورښوولى ده چې كه جنګ ته ولاړ نشى تر ډير مدت پورې به ژوندون كوى نو خامخا به د جنګ له ورتګه او په هغه كې له مړكيدلو څخه څه ګټه در رسيږي او معلوم نه دى چې دوى پخپلو زړو كې څه ــ څه شيان سنجولى دى ؟ او څومره اوږدى وعدى او خوږى خبرې يې تر سترګو لاندې نيولى دى ( وَمَا يَعِدُهُمُ الشَّيْطَانُ إِلاَّ غُرُورًا ) .
Source: {powered by: islamlacom.com}[ جُز يا پاره - حٰم 26 ؛ سورة - محمد 47 ؛ آيت - 25 ] (47:25)