Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(50 (51 (52 (53 (54 (55 (56 (57 (58 (59 (5:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(50:16) (آيت نمبر:سورة نمبر)
ولقد خلقنا الإنسان ونعلم ما توسوس به نفسه ونحن أقرب إليه من حبل الوريد

وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
له کابلي تفسير څخه پښتو ژباړه:
 اوپه تحقيق پيداكړى دى مونږجنس دانسان په داسې حال كې چې موږپوهيږوپه هغه شي چې وسوسه اوخطره كوي په هغه سره زړه دده له فكرونوعبثواوناكاروسره . حال داچې مونږډيرنژدې يوده ته په علم سره له رګونودورميږه دده څخه .
د مولوي قيام الدين کشاف پښتو ژباړه:
مونږ انسان پيدا كړي دى او آن دهغه په زړه كښې را پيدا كيدونكو وسوسو باندې پوهيږو.او مونږ دهغه له شهرګ نه هم زيات هغه ته نژدې يو.
له کابلي تفسير کتاب څخه پښتو تفسير:
 تفسير : د انسانانو د هر قول او فعل څخه مونږ خبردار يو تردې چې له هغو پټو خبرو چې د وسوسى په ډول د هغو په زړه كې تيريږي هغه هم مونږ ته معلوم دى ( أَلاَ يَعْلَمُ مَنْ خَلَقَ وَهُوَ اللَّطِيفُ الْخَبِيرُ ) ( الملك اوله ركوع ) .
وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
تفسير : د ژوندانه له رګه مراد د اورميږ ( شارګ ) دى چې د هغه لړځيدونكى رګ له پرې كيدلو څخه سړى مرى ښايي چې دا له روح او نفس څخه كنايه وى او مطلب يې دادى چې مونږ ( د علم په اعتبار ) دده له روح او نفس څخه هم ډير نژدې يو يعنې هسې چې سړى پخپل احوال باندې پوهيږي مونږ له هغه څخه زيات د هغه په حال او احوال باندې پوه او خبردار يو لكه چې مونږ د الله جل جلاله دا پوهه او خبردارى په تجربه سره ثابت ولى شو مثلاً وينو چې يو متخصص طبيب په يوه مرض اخته كيږي او دى خبر نه دى چې څه وخت مريض كيږي او يا څه وخت جوړيږي يو پوهان ، نجومى ، ولى ، پيغمبر ! دهغو مشكلاتو نه چې ورته پيښيږي هيڅ پيش بينى او چاره سازى نشى كولى او پخپله رسول الله صلی الله عليه وسلم وايي ( وَلَوْ كُنتُ أَعْلَمُ الْغَيْبَ لاَسْتَكْثَرْتُ مِنَ الْخَيْرِ وَمَا مَسَّنِيَ السُّوءُ ) ( اعراف ۳ ركوع ) نو دا ثابته شوه چې الله جل جلاله له موږ نه موږ ته نږدى دى او ته موږ نه په موږ عالم دى له موږ نه په موږ مهربان دى له موږ نه د موږ كارساز دى .
Source: {powered by: islamlacom.com}[ جُز يا پاره - حٰم 26 ؛ سورة - ق 50 ؛ آيت - 16 ] (50:16)