Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(50 (51 (52 (53 (54 (55 (56 (57 (58 (59 (5:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(50:19) (آيت نمبر:سورة نمبر)
وجاءت سكرة الموت بالحق ذلك ما كنت منه تحيد

وَجَاءَتْ سَكْرَةُ الْمَوْتِ بِالْحَقِّ ۖ ذَٰلِكَ مَا كُنْتَ مِنْهُ تَحِيدُ
له کابلي تفسير څخه پښتو ژباړه:
 اوراغلى بې سدى سختي دمرګ لپاره ددې چې په سترګويې وويني په حق سره . دامرګ هغه دى چې وې به ته له ده څخه په څنګ كيدونكى اونه وي پرې اقراركوونكى .
د مولوي قيام الدين کشاف پښتو ژباړه:
بيا ګوره ، هغه دځانكدن سلګۍ په حقه راغلې ، دامرګ همغه شى دى چې ته ترينه تښتيدلې.
له کابلي تفسير کتاب څخه پښتو تفسير:
 تفسير : له يوه لورى يې دفتر او دوسيه تياره شوى ده او له بل لورى يې د مرګى په كنده باندې رسيدلى دى مړ كيدونكى دى او د ځنګندن په ربړو كې غوټى خورى نو هلته دا ګردې خبرې ورته رښتيا ښكارى چې الله جل جلاله او د هغه پيغمبرانو د هغه خبر وركوى و او د مړى له مخې د هغه د سعادت او شقاوت پردې لرى كيږي او دداسې پيښى پيښيدل يقينى او قطعى دي ځكه چې د مطلق حكيم ډير حكمتونه دده سره اړه لرى . ( نو په دغه وخت كې به وويلى شى دغه منكر انسان ته داسې چې : )
ذَلِكَ مَا كُنتَ مِنْهُ تَحِيدُ
تفسير : آدمى ډير زيار باسى چې له مرګ څخه ځان وژغورى او د هغه د بد خوند او وحشت څخه تل ځان وساتى او دا خو هغې خوا سر او پښې ووهى خو سره له دې د مرګى شيبه چيرې وروسته كيدونكى ده آخر هغه په سر باندې راتلونكى ده او هيڅ يوه حيله او تدبير د مرګى مخه نشى نيولى .
Source: {powered by: islamlacom.com}[ جُز يا پاره - حٰم 26 ؛ سورة - ق 50 ؛ آيت - 19 ] (50:19)