Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(50 (51 (52 (53 (54 (55 (56 (57 (58 (59 (5:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(56:26) (آيت نمبر:سورة نمبر)
إلا قيلا سلاما سلاما

إِلَّا قِيلًا سَلَامًا سَلَامًا
له کابلي تفسير څخه پښتو ژباړه:
 مګراوري يوه خبره سلام سلام ( يعنې تل به سلام اچوي جنتيان يوپه بل باندې په جنت كې ) .
د مولوي قيام الدين کشاف پښتو ژباړه:
هره خبره چې وي بې ازاره سمه صحيح سلام سلام به وي.
له کابلي تفسير کتاب څخه پښتو تفسير:
 تفسير : يعنې چټى خبرې ، لغويات او واهيات به هلته بيخى نه وي او نه به څوك درواغ وايي او نه به پر چا باندې تهمت او تور تاړه شى يواځي له هرې خوا څخه د سلامو غږونه پورته كيږي چې جنتيان به يو بل ته سلامونه اچوى او پرښتى به هم دوى ته سلامونه اچوى او د الله جل جلاله سلامونه به هم دوى ته ور رسيږي چې هغه خورا د عزت او احترام صورت لري او په ډير اعزاز او اكرام سره اجرا كيږي او د سلام په دې ډيروالى كې دې خبرې ته اشاره ده چې وروسته له هغه چې تاسې دى ځاى ته ورسيږي له هر راز ربړو او مصيبتو څخه ساتلى او ګرد هلته له هر راز پيښو څخه محفوظ ، صحيح او سالم پاتى كيږي او هيڅ قسم آزار ، درد او مرګ به نه در رسيږي او له فناء څخه به د تل دپاره ژغورلى يئ .
Source: {powered by: islamlacom.com}[ جُز يا پاره - قال فما خطبکم 27 ؛ سورة - الواقعة 56 ؛ آيت - 26 ] (56:26)