Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(60 (61 (62 (63 (64 (65 (66 (67 (68 (69 (6:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(60:7) (آيت نمبر:سورة نمبر)
عسى الله أن يجعل بينكم وبين الذين عاديتم منهم مودة والله قدير والله غفور رحيم

عَسَى اللَّهُ أَنْ يَجْعَلَ بَيْنَكُمْ وَبَيْنَ الَّذِينَ عَادَيْتُمْ مِنْهُمْ مَوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَحِيمٌ
له کابلي تفسير څخه پښتو ژباړه:
 ښائيږي چې الله پيداكړى په منځ ستاسې كې اوپه منځ دهغوكافرانو چې دښمني لرۍ تاسې له هغوى سره دوستي اوالله (په هرشي چې اراده وفرمايي ) ښه قادردى ( چې ځينې يې دغه دښمني په دوستي سره بدلول دي ) اوالله ښه مغفرت كوونكى ډيررحم والادى.
د مولوي قيام الدين کشاف پښتو ژباړه:
ليرې نده چې الله يو وخت ستاسې او دهغو خلكو تر مينځ مينه واچوي چې له هغو سره نن تاسې دښمني را اخيستې ده.الله غټ قدرت لري او هغه غفور رحيم دى.
له کابلي تفسير کتاب څخه پښتو تفسير:
 تفسير : يعنې د الله جل جلاله د قدرت او رحمت څخه بعيد نه دى چې د نن ورځې ډير كلك كافر صبا ښه پوخ مسلمان وګرځوى او په دا ډول ستاسې او د هغوى په منځ كې د دوستى تعلقات قائم شى لكه چې د ( مكې معظمې ) په فتحه كې همداسې وشوه نژدې ګرد مكيان مسلمانان شول او هغه كسان چې پرون به يې يو د بل په مخ تورى ښكلى نن يو پر بل باندې ځان قربانوى : په دې آيت كې مسلمانانو ته اطمينان ډاډينه او تسلى وركړې شوې ده چې د مكيانو په مقابل كې د مسلمانانو داد خپلوې شلول او ترك موالات او جهاد د څو ورځو له مخې موقتى دى بيا به هغه ته څه اړه او ضرورت نه پاتې كيږي ښايي چې په موجوده حالت كې تاسې په همغه ترك د موالاتو باندې ټينګ اوسئ ! او له چا ځينې چې په دې لياره كې څه بې اعتدالى شوى وى الله جل جلاله دده د هغې خطا بښونكى دى ځكه چې همغه لوى بښونكى او روونكى دى .
Source: {powered by: islamlacom.com}[ جُز يا پاره - قد سمع الله 28 ؛ سورة - الممتحنة 60 ؛ آيت - 7 ] (60:7)