Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(60 (61 (62 (63 (64 (65 (66 (67 (68 (69 (6:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(60:9) (آيت نمبر:سورة نمبر)
إنما ينهاكم الله عن الذين قاتلوكم في الدين وأخرجوكم من دياركم وظاهروا على إخراجكم أن تولوهم ومن يتولهم فأولئك هم

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَىٰ إِخْرَاجِكُمْ أَنْ تَوَلَّوْهُمْ ۚ وَمَنْ يَتَوَلَّهُمْ فَأُولَٰئِكَ هُمُ الظَّالِمُونَ
له کابلي تفسير څخه پښتو ژباړه:
 بيشكه همداخبره ده چې منع كوي تاسې الله له ( دوستي د) هغوكسانوڅخه چې جنګ يې كړى دى له تاسې سره په ( كارد) دين كې اوچې ايستلى يې يۍ تاسې له كورودتاسې څخه اوكومك مرستې يې كړې ده له دښمنانوستاسې سره په ايستلوستاسې كې لدې څخه چې دوستي كوۍ تاسې له هغوى سره اوهرهغه چې دوى ستي كوي له هغوى سره نودغه ( خلك ) همدوى دي ظالمان ګنهګاران.
د مولوي قيام الدين کشاف پښتو ژباړه:
الله چې له كومې خبرې نه تاسې منع كوي هغه دا ده چې تاسې له هغو خلكو سره دوستي وكړئ چې هغوى له تاسې سره د دين په معامله كښې جنګيدلي دي او تاسې يې له خپلو كورونو نه ويستلي يئ او ستاسې په ويستلو كښې يې يو دبل ملاتړ كړيدى.له هغو سره چې كوم كسان دوستي وكړي همغوى ظالمان دي.
له کابلي تفسير کتاب څخه پښتو تفسير:
 تفسير : يعنې له هسې ظالمانو سره دوستانه تعلقات قائمول بېشكه سخت ظلم او ګناه ده .
ربط : تردې ځاى پورې د كفارو د وو فريقو ټوليو ( معاند ، مسالم ) سره د معاملې ذكر و وروسته له دېنه دا راښيى چې له هغو ښځو سره څه معامله وكوو چې له ( دارالحرب ) څخه ( دارالاسلام ) ته راشى ؟ يا په ( دارالحرب ) كې هستوګنه ولرى ؟ خبره داده چې د ( حديبيى ) په روغه كې مكيانو داسې ټاكلى و چې زمونږ هغه سړى چې د مسلمانانو په لورى راشى ښايي چې هغه بېرته وليږلى شى لكه زمونږ پيغمبر دا خبره منلى هم وو او د هغه په اثر څو سړى چې ( مدينې منورې ) ته راغلى و بېرته ( مكې معظمې ته وليږل شول وروسته له هغه څخه څو ښځې هم راغلې كه دا ښځې هم بېرته لېږلې كېدى نو د كافر نارينه په كور كې د مسلمانى ښځې هستوګنه له اسلامى غيرته اوفترته لرې ښكارېدل او د هغو ناسته ملاسته سره حرامه وه نو په دې باندې دا وروستنى آيتونه رانازل شول معلوميږي چې وروسته له دېنه د ښځو په بېرته ليږلو كې كافرانو اصرار ونه كړ او كه نه هغه روغه به روغه نه پاتې كېده .
Source: {powered by: islamlacom.com}[ جُز يا پاره - قد سمع الله 28 ؛ سورة - الممتحنة 60 ؛ آيت - 9 ] (60:9)