Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(60 (61 (62 (63 (64 (65 (66 (67 (68 (69 (6:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(61:5) (آيت نمبر:سورة نمبر)
وإذ قال موسى لقومه يا قوم لم تؤذونني وقد تعلمون أني رسول الله إليكم فلما زاغوا أزاغ الله قلوبهم والله لا يهدي القو

وَإِذْ قَالَ مُوسَىٰ لِقَوْمِهِ يَا قَوْمِ لِمَ تُؤْذُونَنِي وَقَدْ تَعْلَمُونَ أَنِّي رَسُولُ اللَّهِ إِلَيْكُمْ ۖ فَلَمَّا زَاغُوا أَزَاغَ اللَّهُ قُلُوبَهُمْ ۚ وَاللَّهُ لَا يَهْدِي الْقَوْمَ الْفَاسِقِينَ
له کابلي تفسير څخه پښتو ژباړه:
 او( يادكړه اى محمده ! هغه وخت ) كله چې وويل موسى قوم خپل ته داسې چې اى قومه ځماولې اذيت ضرررسوي تاسې ماته ( په بدوويلوسره ) حال داچې په تحقيق پوهيږۍ تاسې په دې چې بيشكه زه رسول دالله يم تاسې ته . نوهركله چې وګرځيدل دوى ( له احكام الله نه ) نووګرځول الله زړونه ددوى له هدايت اويقين نه اوالله نه ښيي سمه صافه لاره قوم فاسقاونافرمانانوته ( په علم ددغه الله كې ) .
د مولوي قيام الدين کشاف پښتو ژباړه:
اوياده كړه دموسىٰ عليه السلام هغه خبره چې هغه خپل قوم ته ويلي وو چې (( اى زما قومه ! تاسې ولې ما ازاروئ پداسې حال كښې چې تاسې ښه پوهيږئ چې زه تاسې ته دالله ليږل شوى رسول يم ؟ بيا كله چې هغوى كږيدل غوره كړل نو الله دهغوى زړونه كاږه كړل ، الله فاسقانوته هدايت نكوي.
له کابلي تفسير کتاب څخه پښتو تفسير:
 تفسير : يعنې د ښكاره دليلو او څرګندو معجزاتو په ليدلو سره تاسې پخپلو زړو كې باور كوئ چې زه د الله جل جلاله رښتين رسول او پيغمبر يم بيا خو مې په ډيرو ناوړو او زړه خفه كوونكيو حركتو سره ولې ربړوئ ؟ دا معامله خو يو معمولى ناصح او خير غوښتونكى سړى سره هم نه ښائيږي د افسوس ځاى دى چې تاسې هسې معامله دالله جل جلاله د رسول سره كوئ آيا زما زړه ته له داسې خرابو حركاتو څخه درد نه رسيږي ؟ چې كله يو بې سا خوسكى جوړوى او بيا هغه خپل او د موسٰىu خداى ګڼئ كله چې له ( عمالقى ) سره د جهاد كولو امر پر تاسې باندې كيږي نو وايي مونږ به هيڅ جنګ ته نه ځو ته دى د خپل رب سره ځه هغوى سره جګړه وكړى مونږ دلته درته ناست يو او ددې په شان نورې اپلټى او چټى خبرې لكه چې موسٰىu له دې خبرې ځينې په تنګ شو او ويې ويل : ( رَبِّ إِنِّي لا أَمْلِكُ إِلاَّ نَفْسِي وَأَخِي فَافْرُقْ بَيْنَنَا وَبَيْنَ الْقَوْمِ الْفَاسِقِينَ ) .
فَلَمَّا زَاغُوا أَزَاغَ اللَّهُ قُلُوبَهُمْ وَاللَّهُ لَا يَهْدِي الْقَوْمَ الْفَاسِقِينَ
تفسير : قاعده ده چې د ډيرو بديو كولو څخه زړه تك تور او سختيږي تردې چې د ښو كارو دپاره په هغه كې هيڅ يوځاى نه پاتيږي همدا حال د هغوى شو چې په هره خبره كې به يې د الله جل جلاله له رسولانو سره عناد هنډه او ضد او اختلاف كاوه او درګرده به يې په كږو چالو سره تګ كاوه ترڅو چې مردود شول او الله جل جلاله د هغوى زړونه هسې كاږه كړل چې د سمې خبرې د منلو صلاحيت هيڅ په كې پاتې نه شو له داسې ضد كوونكيو نافرمانانو سره د الله جل جلاله همداسې عادت دى .
Source: {powered by: islamlacom.com}[ جُز يا پاره - قد سمع الله 28 ؛ سورة - الصف 61 ؛ آيت - 5 ] (61:5)