Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(60 (61 (62 (63 (64 (65 (66 (67 (68 (69 (6:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(61:7) (آيت نمبر:سورة نمبر)
ومن أظلم ممن افترى على الله الكذب وهو يدعى إلى الإسلام والله لا يهدي القوم الظالمين

وَمَنْ أَظْلَمُ مِمَّنِ افْتَرَىٰ عَلَى اللَّهِ الْكَذِبَ وَهُوَ يُدْعَىٰ إِلَى الْإِسْلَامِ ۚ وَاللَّهُ لَا يَهْدِي الْقَوْمَ الظَّالِمِينَ
له کابلي تفسير څخه پښتو ژباړه:
 اوڅوك دى ډيرظالم (بلكې هيڅوك نشته) له هغه چاڅخه چې له ځانه تړي په الله پورې درواغ او( حال داچې ) دى بللى شوى دى طرف داسلام ته اوالله نه ښيي سمه صافه لاره قوم ظالمانوبې انصافانوته ( په علم ددغه الله ) .
د مولوي قيام الدين کشاف پښتو ژباړه:
ښه نو اوس به له هغه چانه بل غټ ظالم څوك وي چې پر الله د درواغو بهتان وتړي پداسې حال كښې چې هغه ته داسلام ( دالله په وړاندې داطاعت سرښكته كولو ) بلنه وركول كيږي ؟ دغسې ظالمانوته الله سمه لاره نه ښيي.
له کابلي تفسير کتاب څخه پښتو تفسير:
 تفسير : يعنې كله چې هغوى ته د اسلام په لورى بلنه كيږي نو حق پټوى او له خپل ځانه درواغ جوړوى او پر محمد صلی الله عليه وسلم باندې له ايمان راوړلو څخه مخ اړوى هغوى پر الله جل جلاله د بشر يا په بشر باندې د خداى جل جلاله حكم كوى په آسمانى كتابو كې تحريفونه كوى او له هغو شيانو څخه چې واقعيت او حقيقت لري منكريږي او هغه شيان چې هيڅ حقيقت نه لري په آسمانى كتابو كې داخلوى نو له دې څخه به لوى ظلم څه وي ؟ ( او د الله جل جلاله له جانبه ) داسې بې انصافانو ته به هدايت چيرې په برخه كيداى شى ؟ او ممكن دى چې په ( لايهدى ) كې دې لورى ته هم اشاره وي چې دا ظالمان چې څومره انكار ، تحريف او تاويل وكړى الله جل جلاله به هغوى ته د برى نه مومى او څه يې له لاسو ځينې نه پوره كيږي لكه چې سره له زرهاؤ لرى كولو او پرې كولو ځينې اوس هم ځينې آخرالزمان په نسبت يوه د بشاراتو لويه ذخيره د هغوى په كتابو كې شته .
Source: {powered by: islamlacom.com}[ جُز يا پاره - قد سمع الله 28 ؛ سورة - الصف 61 ؛ آيت - 7 ] (61:7)