(76:26) (آيت نمبر:سورة نمبر)
ومن الليل فاسجد له وسبحه ليلا طويلا

وَمِنَ اللَّيْلِ فَاسْجُدْ لَهُ وَسَبِّحْهُ لَيْلًا طَوِيلًا
له کابلي تفسير څخه پښتو ژباړه:
 اوپه څه برخه دشپې كې نوسجده كوه هغه ( الله) ته اونسبت دپاكۍ كوه دغه ( الله ) ته په شپه اوږده كې ( يعنې تهجدكوه او)
د مولوي قيام الدين کشاف پښتو ژباړه:
دشپې هم دهغه حضور ته سجده كوونكى اوسه او دشپې په اوږدو وختونو كښې دهغه تسبيح كوه.
له کابلي تفسير کتاب څخه پښتو تفسير:
 تفسير : لمونځ كوه ! ښايي چې له دې ځينې د مغرب او عشاء لمونځونه يا به تهجد مراد وې كه له ( وَمِنَ اللَّيْلِ فَاسْجُدْ ) څخه تهجد مراد وي نو دلته به تسبيح ځينې د هغه متبادره معنٰى اخيسته كيږي يعنې د شپې له لورى علاوه پر تهجد په ډيرو تسبيحو او تهليلو كې مشغول شئ ! كه له ړومبى ( فَاسْجُدْ ) ځينې د ماښام او ماسختن لمونځ مراد وي نو دلته به له تسبيح څخه تهجد مراد وي .