Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(80 (81 (82 (83 (84 (85 (86 (87 (88 (89 (8:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(80:1) (آيت نمبر:سورة نمبر)
عبس وتولى

بِسْمِ اللَّهِ الرَّحْمَٰنِ الرَّحِيمِ عَبَسَ وَتَوَلَّىٰ
له کابلي تفسير څخه پښتو ژباړه:
 وچويلى تريوكړ ( محمد) اومخ يې وګرځاوه
د مولوي قيام الدين کشاف پښتو ژباړه:
تريو وچولي شو او مخ يې واړوه
له کابلي تفسير کتاب څخه پښتو تفسير:
( سورة عبس مكية وهى ۴۲ آية وفيها ركوع واحد عدد تلاوتها ۸۰ عدد نزولها ۲۴ نزلت بعد سورة النجم )
( د عبس سورت مكى دى ۴۲ آية ۱ ركوع لري په تلاوت كې ۸۰ په نزول كې ۲۴ سورت دى وروسته د النجم له سورته نازل شوى دى )
بسم الله الرحمن الرحيم
شروع کوم په نامه دخداى خورامهربان ډير رحموالادى
حضرت رسول اكرم صلی الله عليه وسلم د قريشو له ځينو غټانو سره د اسلام په نسبت څه خبرې كولى او دوى يې پوهول په دې منځ كې يو ړوند مسلمان ( عبدالله بن ام مكتوم رضي الله عنه ) د دوى په خدمت ورحاضر شو او د رسول الله صلی الله عليه وسلم توجه يې ځان ته ور اړوله چې : يا رسول الله صلی الله عليه وسلم ! ( ددې آيت مراد څه دى ؟ ماته له هغه څخه يو څه راوښيئ همغسې چې الله جل جلاله تا ته درښوولى دى ! ) حضرت ددې ړانده له دې بې مهاله پوښتنى څخه لږ خفه شو او ښايي چې دده مبارك په زړه كې داسې كومه خبره هم تېره شوى وي چې زه اوس په مهمو خبرو كې مشغول او بوخت يم كه د قريشو دا غټان په ښه ډول وپوهولى شم ګوندې وي چې دوى د اسلام په لورى راشى او د دوى له سببه نور ډير كسان هم مسلمانان شى او حال دادى چې عبدالله ابن ام مكتوم مسلمان دى او د هغه دپاره نور ډير وختونه هم شته چې په هغو كې خپلې داسې پوښتنې وكړى او تعليم حاصل كړى هغه نه ګورى چې كه زه له دغسې با اثرو او بارسوخو خلكو څخه سترګې واړوم او ده ته التفات وكړم نو زما دا وضعيت به په هغو باندې لږ شاق تېر شى او شايد چې هغوى به بيا زما خبرو ته لكه اوس غوږ ونه نيسى .
لنډه يې دا چې دوى منقبض شول او د انقباض نښې د دوى په وچولى كې ښكاره شوې په دې خبره باندې دا آيت نازل شول په روآيتو كې راغلى دى چې وروسته له دې كله به چې دغه ړوند د حضرت رسول الله صلی الله عليه وسلم په مخ كې راتللو نو دوى به دده زيات تعظيم كاوه او ورته ويل به يې : ( مرحبا بمن عاتبنى فيه ربى ) .
Source: {powered by: islamlacom.com}[ جُز يا پاره - عم 30 ؛ سورة - عبس 80 ؛ آيت - 1 ] (80:1)