Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(80 (81 (82 (83 (84 (85 (86 (87 (88 (89 (8:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(87:7) (آيت نمبر:سورة نمبر)
إلا ما شاء الله إنه يعلم الجهر وما يخفى

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
له کابلي تفسير څخه پښتو ژباړه:
 ) بيابه يې ته نه هيروي مګرهغه چې اراده وفرمايي الله ( دهيرولويې له تانه په منسوخ كيدلو) . بيشكه دغه ( الله ) ته معلوم دى (هغه څه قول فعل چې دى ) ښكاره اوهغه څه چې پټ دى ( يعنې ټول شيان ) .
د مولوي قيام الدين کشاف پښتو ژباړه:
پرته له هغه چې د الله خوښه وي، هغه په ښګاره وو هم پوهېږى او چې څه پټ دي پر هغو هم
له کابلي تفسير کتاب څخه پښتو تفسير:
 تفسير : يعنې لكه چې مونږ پخپل تربيت سره هر څيز په تدريج د هغه د مطلوب كول ته رسولى دى په تا باندې به هم ورو ورو كامل قرآن لولو او داسې به يې در په ياد كړو چې د هغه هيڅ يوه برخه درڅخه هېره نشى پرته له هغو آيتو ځينې چې د هغو بالكل هېرول مقصودوي چې دا هم يو راز نسخ ده .
إِنَّهُ يَعْلَمُ الْجَهْرَ وَمَا يَخْفَى
تفسير : يعنې هغه الله جل جلاله ته ستاسې پټ استعدادونه او ښكاره اعمال او احوال ټول ښه معلوم دي او سم له هغو سره به له تاسې سره معامله كوى او هم دا شبهه ونه كړه شى چې هغه آيتونه چې يو ځلې نازل شوى دى نو بيا د هغو منسوخول او هېرول څه معنٰى لري ؟ د هغه په حكمتو باندې احاطه كول د الله جل جلاله كار دى چې په ټولو پټو او ښكاره ؤ خبرو باندې پوهيږي هغه ته معلوم دى چې كوم څيز لره ښايي چې تل پاتې وي ؟ اوكوم يو ددې وړ دى چې د يو مخصوص مدت څخه وروسته پورته كړى شى ځكه چې اوس د هغه پاتې كيدل ضرورى نه دى .
Source: {powered by: islamlacom.com}[ جُز يا پاره - عم 30 ؛ سورة - الأعلى 87 ؛ آيت - 7 ] (87:7)