Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(80 (81 (82 (83 (84 (85 (86 (87 (88 (89 (8:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(89:14) (آيت نمبر:سورة نمبر)
إن ربك لبالمرصاد

إِنَّ رَبَّكَ لَبِالْمِرْصَادِ
له کابلي تفسير څخه پښتو ژباړه:
 بيشكه رب ستاپه ځاى دانتظاركې دى ( اعمالوددوى لره چې سم دردوى له عملوسره جزاء هغوى ته وركړى )
د مولوي قيام الدين کشاف پښتو ژباړه:
حقيقت دادي چې ستا رب په څارنځي كښې دي.
له کابلي تفسير کتاب څخه پښتو تفسير:
 تفسير : يعنې لكه چې يو سړى په پټونى ( كمين ) كې پټ ناست او د تلونكيو او راتلونكيو او نورو شيانو او پېښو حال او احوال ځانته څرګندوى او بيا په ټاكلى وخت كې سم له هغو معلوماتو له دوى سره معامله او كار كوى همداسې وپوهيږئ چې الله جل جلاله هم د ګردو بندګانو له سترګو څخه په پټه زمونږ او د نورو لوى او وړوكى اعمال او احوال ګورى او هيڅ يو حركت او سكون له هغه څخه نه پټيږي هو ! په سزا وركولو كې تعجيل او تلوار نه فرمائى نو غافل بندګان يې داسې ګڼى چې پس هيڅوك زمونږ ليدونكى پوښتېدونكى نه دى څه چې مو زړه غواړى ښايي هغه په ځغرده سره وكړو حال دادى چې په ټاكلى وخت كې د هغوى دا ګردې چارې د هغوى په غاړو كې ورلويږي او د هرې يوې هغې چارې په مقابل كې خپله جزا وينى چې له شروع څخه تر اوسه پورې تر كتنې لاندې وه نو دلته دا خبره لا څرګنديږي چې دا ګرد مهلت او ټال د بندګانو د امتحان او ازموينى لپاره و چې آيا دوى خپلو چارو ته ګورى او لوئى ورځې ته څه ذخيره اوذېرمې كوى كه په همدا ظاهرى او عارضى حالت باندې مغروريږي او خپل پاى ته نه ګورى ؟
Source: {powered by: islamlacom.com}[ جُز يا پاره - عم 30 ؛ سورة - الفجر 89 ؛ آيت - 14 ] (89:14)