Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(40 (41 (42 (43 (44 (45 (46 (47 (48 (49 (4:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(4:115) (آيت نمبر:سورة نمبر)
ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا

وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا
له کابلي تفسير څخه پښتو ژباړه:
اوهرڅوک چې مخالفت کوي له رسوله وروسته له هغه چې ښکاره شوه ده ته سمه لاره اوتابع شي (لاړشي ) بې له لارې دمؤمنانونووبه ګرځووموږدى هغه لورې ته چې دى ورګرځيدلى دى اوداخل به کړوموږدى جهنم( دوزخ) ته ؛ اوبدځاى دورتلودى (دادوزخ).
د مولوي قيام الدين کشاف پښتو ژباړه:
خو چا چې د پېغمبر د ښمنۍ ته ملاتړلې وي او د مؤمنانو له طريقې نه پرته په كومه بله لاره لاړ شي ، په داسې حال كښې چې سمه لاره ورته څرګنده شوې وي؛ نو هغه به مونږ په هماغه لوري وخوځوو چې هغه لوري ته هغه په خپله ورګرځېدلى او هغه به دوزخ ته ننباسو چې خورا بد استوګنځى دى.
له کابلي تفسير کتاب څخه پښتو تفسير:
وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءتْ مَصِيرًا
تفسير:
(١٦٧) يعنې کله چې کوم يوه ته حقه خبره واضحه شوې وي او وروسته له هغه بياهم د رسول الله(ص) له حکمه مخالفت وکړي اوله ټولومسلمانانو څخه بېل اوځانته بله کومه جلا لار غوره کړي ، نودده دهستوګنې ځاى جهنم دى، لکه چې هغه غله وکړه چې ذکر يې پخوا تېر شو، ددې په ځاى چې هغه په خپل قصور باندې معترف کېده او توبه يې اېستله دخپل لاس دپرې کېدلو له ويرې ( مرتد ) شو، او مکې معظمې ته وتښتېد اوله نورو مشرکينو سره ملګرى شو.
فائده:
اکابرو علماوو له دې آيت څخه دامسئله هم را اېستلې ده چې د امت د اجماع منکر اومخالف هم جهنمي دى، يعنې د اُمت اجماع منل هم فرض دي، په حديث شريف کې راغلي دي چې: ( د الله تعالى(ج) حمايت اونصرت دمسلمانانو له ټولګي سره دى . هرچاچې ځانته جلا لاره غوره کړه هغه په دوزخ کې ولوېد. ) اللهم اعذنا منه!.
Source: {powered by: islamlacom.com}[ جُز يا پاره - والمحصنٰت 5 ؛ سورة - النساء 4 ؛ آيت - 115 ] (4:115)