Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(90 (91 (92 (93 (94 (95 (96 (97 (98 (99 (9:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(93:3) (آيت نمبر:سورة نمبر)
ما ودعك ربك وما قلى

مَا وَدَّعَكَ رَبُّكَ وَمَا قَلَىٰ
له کابلي تفسير څخه پښتو ژباړه:
 چې نه دى دركړى رخصت تاته ( نه يې پريښى ) رب ستااونه يې دښمن نيولى يې ته ( اى محمده ) .
د مولوي قيام الدين کشاف پښتو ژباړه:
( اي پېغمبره!) ستارب، ته هېڅكله نه يې پريښي او نه هغه ناخوښى شوى دى
له کابلي تفسير کتاب څخه پښتو تفسير:
 تفسير : په صحيحو ؤ روايتو كې راغلى دى چې تر ډير مدت پورې پر ( حضرت محمدرسول الله صلی الله عليه وسلم ) باندې وحى رانغله او حضرت جبرائيل عليه السلام حضرت محمدرسول الله صلی الله عليه وسلم ته رانغى مشركينو په پخپلو منځو كې ويل ( وګورئ چې ( محمد ) د خپل الله جل جلاله له لورى رخصت كړ شو ) ددې خبرې په جواب كې دا آيتونه نازل شول زما په ګمان ( والله اعلم ) چې دا زمانه د فترت الوحى زمانه وه كله چې د قرآن د ( اقْرَأْ ) سورت ابتدائى آيتونه نازل شول نو وروسته له هغه تر يو اوږد مدت پورې وحى راتلل معطل پاتې شول او پخپله حضرت رسول اكرم صلی الله عليه وسلم به ددې فترت په زمانه كې ډير مغموم او پريشان و تردې چې د الله جل جلاله له خوا پرښتى هغوى ته د ( يَا أَيُّهَا الْمُدَّثِّرُ ) خطاب واوراوه اغلباً په دې زمانې كې به مخالفانو داسې خبرې كولې لكه چې ابن كثير رحمه الله له محمد بن اسحاق رحمه الله او نورو څخه هغه الفاظ چې نقل كړى دى هغه ددې احتمال تائيد كوى ممكن دى چې په دغه وخت كې به دا قصه هم پېښه شوى وي چې په ځينو صحيحه ؤ روايتو كې راغلې ده چې يو ځلې رسول الله صلی الله عليه وسلم د ناروغى له سببه دوه درې ورځې په بستره كې پريووت نو يوې خبيثې ښځې وويل ( اې محمده ! داسې راښكارى چې ستا شيطان له تا څخه مرور شويدى ) ( العياذبالله ) لنډه يې دا چې دا راز چټى خبرې او اترې ډيرې كېدې تردې چې ګردو خرافاتو په جواب كې د ( والضحٰى ) سورت نازل شو او ړومبى يې قسم ياد كړ د لمر ختو په وخت باندې او بيا يې په تپه تياره شپه باندې او بيا يې وفرمايل ( چې د دښمنانو دا ګرد خيالات او ويناوې غلطې دي ) نه ستا پروردګار له تا څخه خفه او نه يې تا ته رخصت دركړيدى بلكه هسې چې ښكاره ده هغه د خپل قدرت او حكمت راز ــ راز علائم او نښې ښكاره وي او وروسته له ورځې څخه شپه او پس له شپې څخه ورځ كوى د باطنى حالاتو كيفيت هم داسې وګڼئ لكه چې د لمر د رڼا د لرې كېدلو څخه د شپې تياره كېدل د الله جل جلاله د خفګان دليل نشى كېدى او نه داسې كوم دليل او ثبوت په لاس كې شته چې په رڼا پسې تياره او په تياره پسې رڼا نه راځي نو د څو ورځو د وحى د رڼا له نه برېښېدلو څخه ولې داسې اټكل كاوه شى چې ( په دې ورځو كې الله جل جلاله له خپل غوره شوى پيغمبر صلی الله عليه وسلم څخه خفه شوى دى او بيا وحى ورته نه راځي او د جبرائيل عليه السلام د راتللو ور تړلى شوى دى ) داسې وينا د الله جل جلاله په حكمت بالغه او علم محيط باندې اعتراض كول دى ګواكې دوى خبر نه دى چې هغه سړى مې چې په پيغمبرى ټاكلى دى هغه د نبوت وړ دى او وروسته به درښكاريږي چې هغه څومره ښه ــ ښه كارونه كوى او د خلكو د ښېګڼې لپاره څه ــ څه ښې چارې ښيې او بالكل دغه رسالت او تبليغ لپاره ډير اهل او اصلح ثابتيږي ( اللهم صل وسلم عليه صلوة وسلاماً كثيراً كثيراً ) .
Source: {powered by: islamlacom.com}[ جُز يا پاره - عم 30 ؛ سورة - الضحى 93 ؛ آيت - 3 ] (93:3)