Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(90 (91 (92 (93 (94 (95 (96 (97 (98 (99 (9:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(93:7) (آيت نمبر:سورة نمبر)
ووجدك ضالا فهدى

وَوَجَدَكَ ضَالًّا فَهَدَىٰ
له کابلي تفسير څخه پښتو ژباړه:
 اوموندلى يې وي ته چې نه پوهيدى ( په شرع اواحكامودشريعت ) نودروښوده ( تاته شرعي احكام اودريې كړنبوت )
د مولوي قيام الدين کشاف پښتو ژباړه:
اوته يې لارنابلدي وميندلې اوبيايې لارښوونه درته وكړه.
له کابلي تفسير کتاب څخه پښتو تفسير:
 تفسير : يعنې كله چې رسول اكرم صلی الله عليه وسلم ځلمى شو د خپل ټبر د مشركانه ؤ اطوارو او چټى رسمو او رواجو څخه سخت خفه او بې زار و او د هغوى په زړه كې يواځي د الله جل جلاله د عبادت جذبه په قوت كې وه د الله جل جلاله د عشق اور د دوى په پاك ټټر كې په ډير زور په لمبوكې و د وصول الى الله او د هدايت خلق الله د استعداد خورا زيات قوت او ډير قدرت د دوى په قدسى نفس كې په وديعت ايښود شوى و خو په ښكاره ډول كومه سمه لياره او مفصل دستور العمل دوى ته نه و څرګند چې له هغه څخه د هغوى هغه لوى زړه ته چې د عرش او كرسى څخه زيات وسعت او رحمت پكې و ډاډينه او تسكين په برخه شى ددې د طلب په جوش او زيات محبت كې به دوى بې قرار او سرګردان ګرځېده او د غرو په درو او په سمڅو كې به ګوښى كېناستل او د الله جل جلاله عبادت به يې كاوه او خپل حقيقى معبود به يې ياداوه ترڅو چې الله جل جلاله د ( حراء ) په سمڅ كې د پرښتې په ژبه دوى ته وحى وروليږله او د وصول الى الله او د خلق الله د اصلاح تفصيلى ليارې يې وروښوودلې يعنې د حق دين يې ورنازل كړ ( مَا كُنتَ تَدْرِي مَا الْكِتَابُ وَلاَ الإِيمَانُ وَلَكِن جَعَلْنَاهُ نُورًا نَّهْدِي بِهِ مَنْ نَّشَاء مِنْ عِبَادِنَا ) ( د شورٰى ۵ ركوع زمونږ ددغه تفسير (۲۹۰۸) مخ .
تنبيه : دلته د ( ضَالاًّ ) د معنٰى كولو په وخت كې ښايي هغه ښوونې چې د يوسف په سورت كې ددې آيت ( قَالُواْ تَاللّهِ إِنَّكَ لَفِي ضَلاَلِكَ الْقَدِيمِ ) په تفسير كې ښكلى شوېدې ( په (۱۴۷۵) مخ كې ) تر كتنې لاندې ونيولى شى .
Source: {powered by: islamlacom.com}[ جُز يا پاره - عم 30 ؛ سورة - الضحى 93 ؛ آيت - 7 ] (93:7)