Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(90 (91 (92 (93 (94 (95 (96 (97 (98 (99 (9:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(94:6) (آيت نمبر:سورة نمبر)
إن مع العسر يسرا

إِنَّ مَعَ الْعُسْرِ يُسْرًا
له کابلي تفسير څخه پښتو ژباړه:
 بيشكه سره له سختي آسانتياشته .
د مولوي قيام الدين کشاف پښتو ژباړه:
بېشكه له تنګسې سره پراختيا هم ده
له کابلي تفسير کتاب څخه پښتو تفسير:
 تفسير : يعنې د الله جل جلاله د رضاء غوښتلو په لياره كې هغه ربړونه چې حضرت نبوى صلی الله عليه وسلم په ځان ګاللى دي او هغه زيارونه چې اېستلى يې دى له هغو سختيو سره څو ــ څو آسانى هم شته لكه د حوصلى د فراختيا په سبب د ګردو مشكلاتو لرې كول آسان شول او د ذكر د پورته كېدلو له تصور څخه تاسې ته د لويو ــ لويو مصيبتو تحمل آسانه وګرځېده يا دا مطلب كله چې مونږ تاسې ته روحانى راحت دركړ او روحانى كلفت مو له تاسې څخه پورته كړ ( لكه چې د الم نشرح څخه تر آخره پورې ښكاريږي ) نو په دنيوى راحت او محنت كې هم زمونږ فضل او كرم ته هيله ولرئ مونږ وعده كوو چې په رښتيا سره ددې موجوده ؤ مشكلاتو په پاى كې آسانى راتلونكى ده او د مزيد تاكيد لپاره يې بيا وويل چې هرومرو د وروستنۍ سختى په پاى كې آسانى شته لكه چې له احاديثو او سيرو څخه راښكاره شوى ده هغه ګرد مشكلات يو ــ يو له منځه لرې شوى او د هرى يوې سختى په پاى كې به څو ــ څو آسانتياوي راتللى اوس هم ( عادة الله ) همدا دى څوك چې په سختى باندې صبر وكړى او د زړه له كومې پر الله جل جلاله باندې اعتماد ولري او له بل لورى څخه زړه وشكوى او خپل الله جل جلاله سره خپلى اړيكى ټينګى كړى او د هغه فضل او كرم او رحمت ته هيله ولري او د زمانې له اوږدوالى څخه ونه ويريږى او نا امېد او بې هيلې نشى نو هرومرو الله جل جلاله آسانى ورته پيښوى نه په يوه ډول بلكه په څو ــ څو ډوله وفى الحديث ( لن يغلب عسر يسرين ) وفيه ايضاء لو جاء العسر فدخل هذه الحجر لجاء اليسر حتٰى يدخل عليه فيخرجه ) .
Source: {powered by: islamlacom.com}[ جُز يا پاره - عم 30 ؛ سورة - الشرح 94 ؛ آيت - 6 ] (94:6)