Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(110:3) (آيت نمبر:سورة نمبر)
فسبح بحمد ربك واستغفره إنه كان توابا

فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ تَوَّابًا
له کابلي تفسير څخه پښتو ژباړه:
 پس تسبيح پاكي وايه سره دحمدثناء درب خپل . اومغفرت بښنه وغواړه له ده څخه ( لپاره دګناهونودامت خپل يالپاره دماتيدودنفس اوقصوردعمل ) بيشكه چې دغه ( الله ) تل دى ښه توبه قبلوونكى دمستغفرانوګنهګارانو.
د مولوي قيام الدين کشاف پښتو ژباړه:
نو د خپل رب له ثنا ستاينې سره د هغه تسبيح وكړه ، او له هغه نه بښنه وغواړه ، بېشكه هغه ستر توبه قبلوونكي دي.
له کابلي تفسير کتاب څخه پښتو تفسير:
 تفسير : يعنې وپوهيږئ چې د بعثت مقصود او ددنيا د هستوګنې مطلب ( چې ددين تكميل او د كبرى خلافت تمهيد دى ) پوره شو اوس د اخرت سفر نژدې دى نو ښايي چې له دنيا څخه ځان فارغ كړئ ! او د زړه له كومې اخرت ته متوجه شئ ! او له پخوا څخه زياتره د هغه تسبيح او تحميد ووايئ او په دې فتوحاتو او بريو باندې د هغه شكر اداء كړئ ( او هميشه اوسئ په استغفار باندې ) .
وَاسْتَغْفِرْهُ إِنَّهُ كَانَ تَوَّابًا
تفسير : يعنې ته اې محمده ! ځانته او خپل امت ته استغفار ووايه ( بېشكه چې دغه الله جل جلاله دى تل ښه توبه قبلوونكى ) .
تنبيه : د نبى كريم صلی الله عليه وسلم استغفار ځانته پخوا له دېنه په څو ځايو كې تېر شو هلته دې وكوت شى . حضرت شاه صاحب رحمه الله ليكى : ( يعنې په قرآن كريم كې هر چيرې د فيصلې وعدې دى او كافرانو د فيصلې تلوار كاوه د رسول اكرم صلی الله عليه وسلم د عمر په اخر كې مكه معظمه فتحه شوه ګردې قبيلې له زړه مسلمانى شوې هغه وعدې ګردې رښتيا شوې اوس نو د خپل امت د ګناهونو مغفرت او بښنه وغواړئ ! چې د شفاعت درجه دې لا لوړه شى دا سورت د حضرت رسول اكرم صلی الله عليه وسلم په آخر عمر كې نازل شوى دى چې هغوى ددې له لوستلو څخه په دې خبره وپوهېد چې ما په دنيا كې خپل دا راسپارلى شوى كار پاى ته ورساو اوس نو د اخرت د سفر وار دى .
( تمت سورة النصر بفضل الله تعالٰى ومنه وكرمه ) .
Source: {powered by: islamlacom.com}[ جُز يا پاره - عم 30 ؛ سورة - النصر 110 ؛ آيت - 3 ] (110:3)