Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(70 (71 (72 (73 (74 (75 (76 (77 (78 (79 (7:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(7:116) (آيت نمبر:سورة نمبر)
قال ألقوا فلما ألقوا سحروا أعين الناس واسترهبوهم وجاءوا بسحر عظيم

قَالَ أَلْقُوا ۖ فَلَمَّا أَلْقَوْا سَحَرُوا أَعْيُنَ النَّاسِ وَاسْتَرْهَبُوهُمْ وَجَاءُوا بِسِحْرٍ عَظِيمٍ
له کابلي تفسير څخه پښتو ژباړه:
 وويل ( موسى ساحرانوته تكرماتسامحامتعمداعلى الله ) چې وغورځوئ تاسې خپل پړي اوهمساګانې ، نوكله چې وغورځول دوى نوجادويې وكړ پرسترګو دخلكو اووويرول دوى دا( خلك ) اوراتله وكړه دوى په جادولوى سره .
د مولوي قيام الدين کشاف پښتو ژباړه:
موسى ع ځواب وركړ " تاسې يې وغورځوئ " هغوى چې د خپلو منترونو په ويلو خپل پړي او همساګانې وغورځولې نو سترګې يې مسحورې او زړونه يې په وېره كښې واچول او ډېرې غټې كوډې يې وكړې.
له کابلي تفسير کتاب څخه پښتو تفسير:
 تفسیر : یعنې کله چې تاسې هم دغه مقابله منظوره ، او خبره موپر دغه غوټه او هم په دغه مو خپله فیصله منحصره کړې ده ، نو لومړی تاسې خپل چارې پر ميدان واچوئ ! او خپل پوره قوت او قدرت و ازمويئ ، ځکه چې د باطل د پوره ازموينې او کامل نمائش څخه وروسته هغه د حق غلبه چې مشاهده شي امید شته چې هغه به زیاته موثره او واقع فی النفوس ثابته شي دغه خو فی الحقیقت د موسی علیه السلام له لوري له سحر سره د معجزې د مقابلې اجازه نه وه بلکې له دواړو صورتونو ځینې د یو داسې صورت انتخاب او غوره کېدل مقصود و چې د باطل پوره خمود ( یخېدل ) او کامل جمود ( منجمد کېدل ) په کې څرګند ( ښکاره ) وي ، او د حق د غلبې او د صداقت د وضوح ( ښکاره کېدو ) خورا ( ډېر ) موثر صورت په کې له ورایه ښکاره وي .
( فلماالقو ) الایه – نو کله چې وغورځول دوی نو جادو یې وکړ پر سترګو د خلکو وویرول دوی دا خلق او راتله یې وکړه په جادو لوی سره ) یعنې د کوډو او سحر په زور د ټولو ننداره کوونکو سترګې وتړلی شوې او پر ټولو حیرت طارې شو او عام خلک ووېرېدل . په بل ایت کې راغلي دي چې هغوی خپل پړي او همساګانې پر ځمکه وغورځولې ، چې دهغو په اثر په هغه ځمکه کې پرته ( علاوه )له ځغلېدونکو ، ځغاستونکو او یو په بل باندې سوریدونکو مارونو او منګورونو ځینې بل هیڅ شی په نظر نه راته . ( یخیل الیه من سحرهم انها تسعی ) له دغو ایتونو ځینې ښکاره شوه چې د فرعون ساحرین په دغه وخت کې کومه شعبده چې وښووله په هغې کې له سره د ماهیت د قلب نه دی واقع شوی ، بلکې هغه تش یو تخیل او نظر بندي وه . له دې نه دغه نه لازمیږي چې د سحر ټول اقسام په همغه کې منحصر وي ، ښایي چې دوی داسې ګمان کړی وي چې موږ به په هم دغه کار سره موسی علیه السلام مغلوب کړو ، که څه نور فرصت دوی ته میسر شوی وي نو ممکن چې له دغه لوی سحر څخه به یې کوم بل لوی سحر هم ورښودلی وي مګر موسوي اعجاز سحر ته په لومړني سنګر کې داسې سخته بی هیلې ماته ورکړه چې کوډګرانو ته بله څه موقع او هیله باتي نه شوه چې په هغې سره دبلې مقابلې لپاره ځان تیار او بل کوم سحر وکړي .
Source: {powered by: islamlacom.com}[ جُز يا پاره - قال الملا 9 ؛ سورة - الأعراف 7 ؛ آيت - 116 ] (7:116)