Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(80 (81 (82 (83 (84 (85 (86 (87 (88 (89 (8:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(8:14) (آيت نمبر:سورة نمبر)
ذلكم فذوقوه وأن للكافرين عذاب النار

ذَٰلِكُمْ فَذُوقُوهُ وَأَنَّ لِلْكَافِرِينَ عَذَابَ النَّارِ
له کابلي تفسير څخه پښتو ژباړه:
 دغه ( ستاسې دنيوي عقوبت دى ) نووڅكئ تاسې دا ( دنيوي عذاب اى كفارو! ) او( وپوهيږۍ چې ) بيشكه مقرردى كافرانوته عذاب داور( ددوزخ په آخرت كې )
د مولوي قيام الدين کشاف پښتو ژباړه:
دادى ستاسې مجازات ، اوس يې خوند وڅكئ ، او تاسې ته دې ښكاره وي چې د حق د منكرانو لپاره ددوزخ عذاب دى.
له کابلي تفسير کتاب څخه پښتو تفسير:
 د ( بدر ) د غزا د اهميت اندازه له دې نه ښه لګېداى شي چې په خپله لعين ( ابليس ) د ( کنانه ) دلوى سردار ( سراقه بن مالک مدلجى ) په صورت ممثل شوى ( ابوجهل ) ته راغى اودمشرکانو زړونه يې ډېر مطمئن اوښه ډاډه کړل اوهغوى ته يې اطمينان ورکړ چې نن پرتاسې باندې هېڅوک بر ى اوغلبه نه شي موندلاى، اوزما ټوله قبيله له تاسې سره ده. د ( ابليس ) تر بيرغ لاندې دشيطانانو ډېر لوى لښکر و، ددې واقعې تفصيل وروسته راځي، ددوى په مقابل کې الله تعالى جل جلاله د مسلمانانو دمرستې او امداد له پاره دخپل فوځ قطعات دجبرئيل عليه السلام او ميکائيل عليه السلام تر مشرۍ لاندې ولېږل، اوويې فرمايل چې زه له تاسې سره يم که شياطين د انسانانو په صورت سره متشکل شوې دي اوپه دغه وسيله سره ددوى حوصلې زياتوي، اوددوى له لوري جنګيدلو ته تيار دي، اود مسلمانانو په زړونوکې وسوسې وراچوي، اودوى ويروي نوتاسې اى پرښتو! دمظلومو اوضعيفو مسلمانانو زړونه مضبوط او ټينګ کړئ ! له دې لوري تاسې ددوى همت ورزياتوئ ! دهغه لوري به زه دکفارو په زړونوکې دهشت، رعب، خوف او وېره وراچوم، تاسې دمسلمانانو په مرسته ددغو ظالمانو اورمېږونه ووهئ! ( يعنې پرې يې کړئ! ) اوبند په بند او پيوند په پيوند يې جلا او انډي، انډي کړئ! )
ځکه چې نن ټول انسي او جني کافران سره يو شوي دي اود الله تعالى جل جلاله اود رسول الله صلى الله عليه وسلم په مقابل کې دريدلي دي، نوښايي دوى ته معلوم شي چې دالله تعالى جل جلاله مخالفانوته څرنګه سختې سزاوې ورپه برخه کېږي؟ کومه سزا چې په آخرت کې دوى ته ورکوله کېږي هغه ډېره سخته وېروونکې ده، لېکن دهغې يوه وړوکې نمونه په دنياکې هم وويني، او د الهي عذاب څخه څه خوند څکي، په روايتونو کې راغلي دي چې په ( بدر ) کې خلکو پرښتې په خپلو سترګو سره ليدلې، اوهغه کفارچې د پرښتو له لاسه وژلى شوي وو دهغو کفارو ځنې چې مسلمانانو وژلي وو جلا او له ورا پېژندل کېدل. الله تعالى جل جلاله يوه نمونه وروښودله چې که چېرې شياطين الانس والجن په داسې يوه فوق العاده ډول سره د الله تعالى جل جلاله په مقابل کې سره ټول شي، نو الله تعالى جل جلاله اهل الحق اوخپلو مقبولوبندګانو ته هم په داسې يو فوق العاده ډول سره دپرښتو په مرسته سره کمک او امداد ور رسوي، باقي نور هرقسم فتح او غلبه اوبرى ، بلکې هر لوى او وړوکى کار د پاک الله جل جلاله په اراده اومشيت او قدرت سره انجام مومي. پاک الله جل جلاله نه پرښتو ته محتاج دى اونه انسانانو ته، که له پرښتو ځنې کوم کار اخلي نودوى ته يې داسې يو قوت او طاقت ورعطا کړى دى چې يواځې يوه پرښته ډېر لوى کلي اوښارونه له ځمکې ځنې پورته کولى شي اوپه بل مخ يې ويشتلى شي، دلته خو يې په عالم تکليف او اسباب کې دلږې يوې تنبيه په شان د شياطينو دفوق العاده منډې وهلو او ټولېدو ځواب ورکول منظور و او بس.
Source: {powered by: islamlacom.com}[ جُز يا پاره - قال الملا 9 ؛ سورة - الأنفال 8 ؛ آيت - 14 ] (8:14)