Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(90 (91 (92 (93 (94 (95 (96 (97 (98 (99 (9:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(9:103) (آيت نمبر:سورة نمبر)
خذ من أموالهم صدقة تطهرهم وتزكيهم بها وصل عليهم إن صلاتك سكن لهم والله سميع عليم

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ ۖ إِنَّ صَلَاتَكَ سَكَنٌ لَهُمْ ۗ وَاللَّهُ سَمِيعٌ عَلِيمٌ
له کابلي تفسير څخه پښتو ژباړه:
 واخله ( اى محمده ! ) له مالونوددوى صدقه ( زكات ياخيرات ) چې ښه پاك كړې ته دوى له ګناهونو( يادمال له محبت نه ) اوبركتي كړې ته دوى دهغې په وسيله اودعا( دنيكي ) وكړه ته دوى ته بيشكه چې دعاستا ډاډينه ده دوى ته اوالله ښه آوريدونكى ( دټولواقوالو) ښه عالم دى ( په گردواحوالو)
د مولوي قيام الدين کشاف پښتو ژباړه:
اى پېغمبره ! ته د هغوى له مالونو څخه د صدقې په اخيستلو سره هغوى پاك كړه او ( دنيكۍ په لاره كښې ) هغوى وهڅوه ، او د هغو په حق كښې د رحمت دعا وكړه ځكه چې ستا دعا به د هغو له پاره د ډاډينې وسيله وي، الله هر څه اوري او په هرڅه پوهيږي.
له کابلي تفسير کتاب څخه پښتو تفسير:
 محقق شيخ الهند رحمه الله د ( صدقې ) ترجمه په ( زكات ) سره كړې ده، لېكن كه د ( صدقې ) لفظ عام واخيستل شي چې زكات اونورو نفلي صدقاتو ته هم شامل شي نوښه به وي، ځكه چې له زياترو روايتونو سره هم دغه آيت دهمغو سړيو په حق كې نازل شوى دى، چې له معافي وروسته دتوبې دتكميل په ډول له صدقاتو سره حاضر شوي دي، لكه چې اوس په ړومبني تفسير كې نقل شوى دى، هو! دالفاظو دعموميت په لحاظ ددغه حكم مقصور آيت اوحصر ته دنص په مورد كې څه ضرورت نشته، نوځكه اسلاف رضى الله تعالى عنهم دزكات په مسئله كې هم همدغه آيت وړاندې كوي.
((تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ إِنَّ صَلاَتَكَ سَكَنٌ لَّهُمْ وَاللّهُ سَمِيعٌ عَلِيمٌ 103))
(۹۵)
(۹۵) په توبه سره ګناه معافيږي، يعنې مؤاخذه دعذاب نه پرې پاتې كيږي، لېكن يوقسم باطني كدورت اوظلمت چې دګناه له طبيعي اثراتو څخه دى ممكن چې پاتې وي، خو بالخصوص په صدقې او عموماً د حسناتو په كولو سره زائله كېږي، نوپه دې لحاظ سره ويلاى شو چې صدقه سړى دګناهونوله اثراتو څخه بېخي پاك او صاف ګرځوي،اود اموالو بركت زياتوي. ( د ( زكات ) لغوي معنا ( نماء ) يعنې زياتېدل دي ) اوپه صدقه وركولو كې يوه لويه فائده دغه وه چې متصدقينو ته به رسول الله صلى الله عليه وسلم دعاوې كولې چې په هغو سره به دمتصدق زړه ډاډ او قلبي سكون او اطمينان به ورحاصلېده، بلكې د نبي كريم صلى الله عليه وسلم ددعا اثرات اوبركات به دمتصدقينو تر اولادونو او لمسيو پورې هم رسېده، اوس هم د ائمه وو په نزد مشروعه ده چې امام المسلمين دصدقه كوونكو په حق كې په دې حيث دعا وكړي چې دى دنبي كريم صلى الله عليه وسلم وارث دى. البته دجمهورو په نزد داده چې د ( صلوة ) دلفظ استعمال دې ونه كړي چې د ( صلوة ) لفظ د نبي كريم صلى الله عليه وسلم مخصوص حق دى.
Source: {powered by: islamlacom.com}[ جُز يا پاره - يعتذرون 11 ؛ سورة - التوبة 9 ؛ آيت - 103 ] (9:103)