Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(90 (91 (92 (93 (94 (95 (96 (97 (98 (99 (9:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(9:114) (آيت نمبر:سورة نمبر)
وما كان استغفار إبراهيم لأبيه إلا عن موعدة وعدها إياه فلما تبين له أنه عدو لله تبرأ منه إن إبراهيم لأواه حليم

وَمَا كَانَ اسْتِغْفَارُ إِبْرَاهِيمَ لِأَبِيهِ إِلَّا عَنْ مَوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلَّهِ تَبَرَّأَ مِنْهُ ۚ إِنَّ إِبْرَاهِيمَ لَأَوَّاهٌ حَلِيمٌ
له کابلي تفسير څخه پښتو ژباړه:
 اونه وه بښنه غوښتل دابراهيم لپاره دپلارخپل مګرپه سبب دوعدې چې كړې وه ( پلار) هغه وعده له دغه ( ابراهيم ) سره ( چې مسلمانيږم ) نوكله چې معلومه شوه ابراهيم ته چې بيشكه دغه پلاردده دښمن دى دالله ( چې مړشوپه كفركې ) نوبيزاره شوله هغه بيشكه ابراهيم خامخاډيرنرم زړى ډيرتحمل والاؤ
د مولوي قيام الدين کشاف پښتو ژباړه:
ابراهيم چې د خپل پلار له پاره د بښنې كومه دعا كړې وه هغه خو د هغې وعدې له مخې وه چې هغه له خپل پلار سره كړې وه ، خو كله چې هغه ته دا خبره روښانه شوه چې د هغه پلار دخداى دښمن دى نو له هغه څخه بېزاره شو، حق دادى چې ابراهيم ډېر زړه سواندى ، له خدايه وېرېدونكى او د زغم خاوند ؤ.
له کابلي تفسير کتاب څخه پښتو تفسير:
 ( د ( وعدها اياه ) ترجمه ځينو داسې كړې ده: كړې وه دغه وعده ابراهيم دخپل پلار سره لكه چې ) د مريم په سورت كې راغلي دي : كله چې دحضرت ابراهيم عليه السلام پلار دحق له قبوله اعراض وكړ اودضد اوعناد له سببه يې حضرت ابراهيم عليه السلام په وژلو سره وېراوه نودخپلو والدينود ادب په ملاحظه يې وويل: ( سلام عليك ساستغفر لك ربى انه كان بى حفياً ) ( يعنې زه د الله تعالى له درباره ستا له پاره استغفار غواړم، نوده له دغې وعدې سره سم تل استغفار كاوه، لكه چې په بل ځاى كې د ( واغفر لابى ) د فرمايلو تصريح هم شته، ددې مطلب داسې نه دى چې ابراهيم عليه السلام ديوه هسې مشرك له پاره بښنه غواړي چې هغه دشرك په حالت كې قائم و، نه غرض يې داسې و چې هغه ته داسې يو توفيق ورپه برخه شې چې دشرك له حالته ووځي اوداسلام غيږ ته راشي اوداسلام قبول دهغه دخطا دمعافى سبب شي ( الاسلام يهدم ماكان قبله ) كله چې لويو اصحابو رضى الله عنهم دابراهيم عليه السلام دغه استغفار په قرآن كريم كې ولوست نوددوى په زړونوكې همدغه خيال پيدا شو چې مونږ ته هم ښايي چې دخپلو مشركينو پلرونو په حق كې استغفار وكړو،ددې خبرې ځواب الله تعالى جل جلاله داسې وركړ چې ابراهيم عليه السلام دخپلې يوې وعدې په بناء يواځې ترهغه وخته پورې دخپل پلار له پاره بښنه غوښتله چې په يقيني ډول سره ورته داخبره نه وه ښكاره شوې چې دده پلار ( آذر ) په كفر او شرك اود الله تعالى جل جلاله په دښمني باندې مري، ځكه چې له مرګه پخوا احتمال و چې توبه وباسي اوپه اسلام مشرف شي اووبښلى شي، نوكله چې ابراهيم عليه السلام ته دغه خبره څرګنده شوه چې دهغه خاتمه په كفر اوشرك سره وشوه او ترمرګه پورې يې د الله تعالى جل جلاله ددښمنۍ څخه لاس وانه خيست نوابراهيم عليه السلام هم ترې بېخي بېزاره شو اودعاء او استغفار او نور يې ترك كړل، پخوا يې دزړه دنرمۍ ، او شفقت له امله دعا كوله ،كله چې دتوبې او رجوع ټول احتمالات له مينځه ولاړل نوده هم دهغه دخير غوښتلو څخه لاس واخيست، اودغه حادثه يې دنبوت په صبر اوتحمل سره وځغمله.
په حديث شريف كې راغلي دي چې: په محشر كې به حضرت ابراهيم عليه السلام عرض كوي چې: يا اله العلمينه! تا له ماسره وعده كړې وه چې ابراهيم به نه رسوا كوم، مګر له دې نه به زياته بله كومه رسوايي وي چې نن زما پلار دټولو خلكو په مخ كې په دوزخ كې غورځول كېږي، په دغه وخت كې به دده دپلار څېره مسخ كېږي اودكوږ ( ضبع ) په شكل به اوړي، او پرښتې به په كشولو سره هغه د جهنم په لوري بيايي، ښايي دغه به ددې له امله وي چې خلك يې ونه پېژني، ځكه چې درسوايي دارومدار په پېژندلوباندې دى، كله چې دپيژندګلوي آثار په منځ كې پاتې نه شي اوڅوك ونه پوهېږي چې څه شى يې په دوزخ كې وغورځاوه نوبيادهغه زوى ولې رسوا كېږي؟
Source: {powered by: islamlacom.com}[ جُز يا پاره - يعتذرون 11 ؛ سورة - التوبة 9 ؛ آيت - 114 ] (9:114)