Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(12:12) (آيت نمبر:سورة نمبر)
أرسله معنا غدا يرتع ويلعب وإنا له لحافظون

أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ
له کابلي تفسير څخه پښتو ژباړه:
وليږه دى له مونږسره سبا( ورځ صحراته ) چې وخوري ډيرې ميوې اولوبې وكړي اوپيشكه مونږده لره خامخاساتونكي يو( له هرربړه )  
د مولوي قيام الدين کشاف پښتو ژباړه:
سبا هغه له مونږ سره وليږه ، يو څه ميوه دانه به وخوري او لوبې او ساعت تيري به هم وكړي. مونږ د هغه د ساتنې څارنې لپاره موجود يو.
له کابلي تفسير کتاب څخه پښتو تفسير:
يعنې دداسې پيمخي، ښائـسته او قوي هلک ټولې قواوې په کور کېناستو سره له کاره وځي، مناسب دى چې له مونږ سره د پسو د څړ له پاره صحرا ته ولاړ شي، او هلته د صحرايي ګلانو ښه سيلونه وکړي او مېوې وخوري، اوښې لوبې وکړي، او ټوپونه او منډې ووهي او وځغلي، اونور ښه جسماني ورزشونه وکړي.
وايي چې دهغوى لوبې منډې وهل اوغشي ويشتل وو او برسېره پر هغو د وړوکو له پاره تر مناسبې اندازې پورې لکه چې ابوحيان رحمه الله ليکي : لوبې او مستي کول د نشاط، خوښۍى اوخوشالۍ سبب دى، غرض داچې د يوسف عليه السلام د صحرا بېولو اجازه يې له ډېر ټينګار سره سره له يعقوب عليه السلام وغوښته اوپه نهايت مؤکده طريقه سره يې ورته اطمينان ورکړ چې مونږ به دده پوره حفاظت کوو.
مفسرينو ليکلي دي چې دوى يوسف عليه السلام بېل ليدلى او لمسولى يې و، څو دى په خپله هم له پلاره اجازه وغواړي چې هرومرو له خپلو وروڼو سره صحرا ته لاړ شي. 
Source: {powered by: islamlacom.com}[ جُز يا پاره - و ما من دآبه 12 ؛ سورة - يوسف 12 ؛ آيت - 12 ] (12:12)