Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(12:15) (آيت نمبر:سورة نمبر)
فلما ذهبوا به وأجمعوا أن يجعلوه في غيابة الجب وأوحينآ إليه لتنبئنهم بأمرهم هذا وهم لا يشعرون

فَلَمَّا ذَهَبُوا بِهِ وَأَجْمَعُوا أَنْ يَجْعَلُوهُ فِي غَيَابَتِ الْجُبِّ ۚ وَأَوْحَيْنَا إِلَيْهِ لَتُنَبِّئَنَّهُمْ بِأَمْرِهِمْ هَٰذَا وَهُمْ لَا يَشْعُرُونَ
له کابلي تفسير څخه پښتو ژباړه:
نوكله چې بوته دوى يوسف لره ( نويې ډيروربړاوه ) اواتفاق يې سره وكړپه دې چې وغورځوي دى په تياره بيخ دكوهي ( ګمنامي كې ، نووئي غورځاوه ) اووحى وكړه مونږيوسف ته چې كوهي نه به دې وباسواووروڼه به دې درته اړكړو) چې ته به خامخاخبروركړې دوى ته په كارددوى چې دغه دى حال داچې دوى به نه پوهيږي ( چې ته يوسف يې )  
د مولوي قيام الدين کشاف پښتو ژباړه:
په دغه شان ټينګار كولو سره يې چې هغه له ځانه سره بوت او هغوى وپتييله چې هغه په يوه ترږمۍ څاكښې واچوي ، نو مونږ يوسف (ع) ته وحې وكړه چې" يو وخت به راشي چې ته به دوى ته دغه حركت ور په زړه كړى دوى د خپل كار له نتائجو نه نا خبره دي"
له کابلي تفسير کتاب څخه پښتو تفسير:
 مفسرينو ډېرې داسې ضمني قصې په داسې درد زياتونکي او رقت راوړونکي ډول سره نقل کړي دي، چې دهغو له اورېدلو څخه دتيږي زړه هم خوږيږي اولوستل يې سړى ډېر ژړوي. خداى خبر چې هغه به ترکومه حده پورې صحيح وي.
لوى قرآن دخپل خاص نصب العين په اعتبار دا قسم تفصيلاتو ته زياته اعتناء نه ده کړې، اونه يې د ديادولو وړ ګڼلي دي، ځکه چې په دغو جزئـياتو پورې هېڅ يومهم مقصد نه دى تړلى.
قرآن کريم دخپلو اورېدونکو په زړونو کې هغه رقت پيداکول غواړي چې منشاء يې خاص ايمان او عرفان وي، عام رقت چې په هغه کې هر کافر او هر مؤمن بلکې تر حيواناتو پورې هم طبعاً شامل دى په هغه زور اچول دعامو خطيبانو په شان د پاک قرآن عادت نه دى، نودلته يې هم هغه ټولې ضمني خبرې حذف کړې، اخري خبره يې دا وښوده چې ورونو په لطيفو حيلو سره له پلار ځنې يوسف عليه السلام بوتلو اود خپلې فيصلې سره سم يې په هغه کوهي کې دهغه دغورځولو تيارى ونيو، په دغه وخت کې مونږ يوسف عليه السلام ته داسې اشاره وکړه چې پرهغې باندې له سره نور خلق ونه پوهېدل چې بېخي مه وېرېږه، ځکه چې داسې يو وخت هم راتلونکى دى چې دغه ټولې چارې به ته دوى ته ورپه يادوې، اوپه هغه وخت کې به ته په داسې يو لوړ مقام اولويه مرتبه کې يې چې دوى به دې له سره نه شي پېژندلى، يابه دې د ډېر وخت د تېرېدلو له امله دوى نه شي پېژندلى ، دغه غيبي اشاره په خوب کې شوې، ياپه ويښه کې؟ د الهام په ذرېعه شوې که دپرښتې په وسيله؟ دغه تفصيل په لوى قرآن کې نشته، البته د ظاهرو الفاظو له ليدلو څخه دا ويلى شو چې د وحيې راتلل په څلوېښت کلنۍ پورې نه دي موقوف، ځکه چې دحضرت يوسف عليه السلام عمر په دغه وخت کې ډېر لږ و. والله اعلم.
Source: {powered by: islamlacom.com}[ جُز يا پاره - و ما من دآبه 12 ؛ سورة - يوسف 12 ؛ آيت - 15 ] (12:15)