Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(13:2) (آيت نمبر:سورة نمبر)
الله الذي رفع السماوات بغير عمد ترونها ثم استوى على العرش وسخر الشمس والقمر كل يجري لأجل مسمى يدبر الأمر يفصل الآ

اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ۖ ثُمَّ اسْتَوَىٰ عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُسَمًّى ۚ يُدَبِّرُ الْأَمْرَ يُفَصِّلُ الْآيَاتِ لَعَلَّكُمْ بِلِقَاءِ رَبِّكُمْ تُوقِنُونَ
له کابلي تفسير څخه پښتو ژباړه:
 الله هغه ذات دى چې پورته كړي يې دي آسمانونه ( اودرولي يي دي ) بې له ستنوچې وئى وينۍ تاسې بيايې استواء وكړه په عرش باندې ( په همغه شان چې دده دالوهيت له شان سره وړده ) اومسخركړى يې دى لمر اوسپوږمۍ ، هريو( له دوى نه ) روان دي ترنيټې معلومې پورې تدبيركوي دهرامر( دخپل ملكوت اوسلطنت كار) بيانوي ( ظاهروي ) په تفصيل سره دلائل ( دخپل توحيداوقدرت ) لپاره ددې چې تاسې په ملاقات درب خپل يقين وكړئ .
د مولوي قيام الدين کشاف پښتو ژباړه:
همغه الله دى چې هغه اسمانونه له ستنو پرته همداسې درولي دي چې تاسې يې په خپله ګورئ، بيا يې پر عرش استوا وكړه او هغه لمر او سپوږمۍ د يو قانون تابع ګرزولي دي. ددې ټول نظام هر شى تر يو ټاكلي وخت پورې چلېږي او همغه الله ددې ټول كار تدبير كوي؛ هغه نښانې په ډاګه څرګنده بيانوي، ښائي چې تاسې له خپل رب سره په يو ځاى كېدو باور وكړئ.
له کابلي تفسير کتاب څخه پښتو تفسير:
 تفسير: يعنې پاک الله جل جلاله ددې دنيالپاره داسې عظيم الشان هسک اومضبوط چت جوړکړى دى چې تاسې يې هم ګورۍ لطافت اوتعجب په دې کې دي چې هيڅ يوه ستنه باتناب ياپايه اوګاډريعنې يودتکې اواستنادشي زمونږ په نظرنه راځي چې په هغه باندې دوسره لوى تعميراوبې سره اوبې سامان چت درولې شوى وي له دې نه پرته بل څه نشي ويل کيداى چې محض دقدرت دغيرمرئى ستنوپه قوت دريدلې دى لکه چې دحج په (٦٥)آيت ٩ رکوع کې فرمايې ((وَيُمْسِكُ السَّمَاء أَن تَقَعَ عَلَى الأَرْضِ إِلاَّ بِإِذْنِهِ )) که داجمسامودراښکلو( جاذبې ) نظريه صحيحه وي نوهغه له دې ايت سره څه منافات نه لري ځکه چې راښکلوته عرفاعمد(ستنه) نه وايې اوکه عهد ورته وويل شي نوهغه مرئى نه دى (( وروى عن ابن عباس ومجاهدوالحسن وقتادة وغيرواحد رضي الله عنه انهم قالوالهاعمدولکن لاترى ))( ابن کثير) يعنې دغولويانوفرمايلي دي چې اسمانونه داسې ستنې لري خومونږ يې نشوليدلې والله اعلم .د((اسْتَوَاء عَلَى الْعَرْشِ ))په متعلق کې په اتم جزد((الاعرف )) په (٥٤)ايت (٧) رکوع مخکې خبرې شوي دي هلته دې بياولوستلې شى .
((وَسَخَّرَ الشَّمْسَ)) اومسخرکړى يې دى لمراوسپوږمۍ ، هريوله دوى نه روان دي ترنيټې معلومې شوى پورې ) يعنې لمرخپله دوره په يوه کال کې اوسپوږمۍ يې په يوه مياشت کې پوره کوي ياکه د((لاجل مسمى )) معنى ترټاکلي وخت پورې واخستې شي نومطلب به يې داشي چې لمراوسپوږمۍ ترقيامة پورې همداسې روان دي .
((يُدَبِّرُ الأَمْرَ )) تدبيرکوي دهرامراوکاردملکوت اوسلطنت خپل لکه ايجاداعدام ، اعزاز،اذلال ،احياء ،امات اونورو) يعنې هغه ذات چې داسې عظيم الشان مخلوقات يې پيداکړي دي اياهغه ته بياستاسې ژوندي کول مشکل دي ؟ اوهم يوباخبره ،مدبراوقوي حکومت باغيان اومجرمان دهميشه لپاره همداسې يلخي اوپه خپل سرآزادنه پريږدي اونه دوفادارواوامن خوښوونکورعاياؤدراحمت اوهوسائى رسولو څخه سترګى پټوي نوبياڅرنګه ممکن دي هغه پاک الله چې دځمکې اواسمانونويواځنې مالک اوڅښتن دى اوپه خپل حکمت اوتدبيرسره په ډېرښه ډول اوطريقې دګردوعلوي .او سفلي مخلوقاتودانتظام ساتونکي دي مطيع اوعاصي همداسې مهمل پريږدي نوصروري ده چې يوه ورځ وفادارانوته دوفادارۍ خلعت اوصله ورورسيږي اومجرمانوته ددوى دجرم سزاورپه غاړه شي نوهرکله چې په دنيوي ژوندون کې مونږدمطيع اوعاصي په منځ کې داسې صاف اوښکاره عادلانه تفريق اوتوپيرنشوليدلى نوپه يقين سره دغه خبره دتسليم وګرځي چې له دې ژوندانه څخه وروسته هرومرويوبل عالي اواساسي ژوندون هم شته چې په هغه کې به ګردسره داسمانې عدالت په مخ کې حاضراودرول کيږي اودګردوعمرونوداعمالونتيجه به ګوري اودميووخوندبه يې څکي .
Source: {powered by: islamlacom.com}[ جُز يا پاره - و مآ ابرئ 13 ؛ سورة - الرعد 13 ؛ آيت - 2 ] (13:2)