Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(13:13) (آيت نمبر:سورة نمبر)
ويسبح الرعد بحمده والملائكة من خيفته ويرسل الصواعق فيصيب بها من يشاء وهم يجادلون في الله وهو شديد المحال

وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ
له کابلي تفسير څخه پښتو ژباړه:
 اوتسبيح وايي رعد( پرښته ) سره له ثناء ددغه ( الله ) اوتسبيح وايي نورې ګردې پرښتې له ويرې ( اوله هيبته دالله ) نه اوليږي ( الله ) تندرونه نورسوي ( غورځوي ) دغه تندرونه په هغه چاچې اراده وفرمايي حال داچې دغه خلك جګړې كوي په شان دالله كې حال داچې الله سخت دى عقوبت دده ( په جګړه كوونكوباندې ياسخت دي نيول دده ) .
د مولوي قيام الدين کشاف پښتو ژباړه:
د وريځې كړسهار د هغه له ثنا سره د هغه پاكي بيانوي او پرېښتې د هغه له هيبت نه په لړزېدو د هغه تسبيح وائي. هغه كړسېدونكې برېښناوې ليږي او ( ډير كرت ) پر چا يې چې خوښه شي تندر بيدو په هماغه حال كښې راغورځوي چې كله خلك د خداى په باب په شخړه اخته كيږي. په واقع كښې د هغه تدبير ډېر قوي دى.
له کابلي تفسير کتاب څخه پښتو تفسير:
 تفسير: چې په (١٠) جزدبنى اسرائېلوپه (٤٤) ايت په (٥) رکوع کې مونږداسې يوايت لولو((وَإِن مِّن شَيْءٍ إِلاَّ يُسَبِّحُ بِحَمْدَهِ وَلَـكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا 44 )) اوګردې پرښتې له هيبت اووېرې دده په حمداوثنااوتسبيح اوتحميدکې مشغولې اولګيادى ،
تنبيه : د(( رعد)) او(برق ) اونوروپه متعلق دنن ورځې تحقيقات ثابتوي چې په وريځوکې مثبته اوپه ځمکه کې منفي کهربايې قوه موجوده ده هغه وريځ چې ځمکې ته زياته نږدې وي نوپه هغې کې کله ناکله دځمکې منفي کهربايې قوت سرايت کوي بيا په دغې وي ريځي باندې ډېرځلې هغه وريځ تيريږي چې په هغې کې مثبت کهربايې قوت موجودوي اودغه قاعده له تجربې څخه معلومه شوې ده کله چې دوه داسې جسمونه سره مخامخ شي چې مختلف کهربايې قوتونه لري نوهريوپه خپل ځاى کې هغه بل جذبوي اوسره يوکيږي له دې قاعدې سره سم لاندنۍ اوباندې وريځ کله چې يودبل کهربايې قوت خپل لورته راکاږي نوددغودواړوله يوځاى کيدلوڅخه سخت حرارت پيداکيږي اوله دې حرارت څخه ددغودواړووريځودحجم په تناسب يوه اورتويوونکي لمبه راپورته کيږي چې هغې ته صاعقه اوتندر وايې اودغې بريښنااورڼاته (( برق )) وايې اوهغو اوازونوته چې ددې تصادم له اثره په هواکې پيدا کيږي (( رعد)) وايې د(( کهربا)) دغه اورتويوونکي شراره کله وريځې اوهواهم څيروي اولاندې لويږي چې له هغې څخه زيات غريب اوعجيب افعال اواثارمشاهده کيږي ،علاوه په دې عمارتونه غورځوي غرونه سره څيروي دساکښانواوذوي الارواحودهلاکت موجب ګرځي ، درمندونه سوځوي ځنې وختونه ليدلې شوى دى چې هغه په زيات احتياط سره ديوه سړى له بدن څخه کالي راکاږي اوديوې وني پرڅانګه يې ږدي مګرداغوستونکې جسم ته هيڅ يوضرراوصدمه نه وررسوي د( فريدوجدي دائرالمعارف )دې وکتل شي چې دهغه له ليدلوڅخه سړي ته داسې خيال پيداکيږي چې دبريښناپه دغې اورغورځوونکي لمبې کې ذي شعوراوذي احتيار قوت شته چې په غيرمرئى طريقې سره کارکوي .
فائده : درعددغږ اوريدلوپه وخت کې ښايې چې داسې وويل شي ،( سبحان من يسبح الرعدبحمده والملالکة من خيفته ، اللهم لاتقتلنابغضبک ولاتهلکنابعذابک وعافناقبل ذلک)
مونږ دې ته نه يواړاونه څه ضرورت ورته لروچې له پاس بيان شوي نظريې څخه انکاروکړوځکه په دغې خبرې په خپله کاشفين هم اقرارکوي چې دروح په شان (( کهربايې قوت )) په اصلي حقيقت باندې تراوسه پورې پرده پرته ده دانبياء عليه السلام اودکشف اوشهوددنوروخاوندانو همدغه بيان دى چې دعالم په نظام کې دظاهري اوعلني اسبابونه پرته يوه خارق العاده غيرمريې قوه هم کارکوي . دغه ګردشيان چې مونږ يې وينوداخويوازې ظاهري اوصوري شکلونه دي ليکن په دغوصورتونوکې هغه غيرمريې اوپټ حقايق چې پراته دې دهغوادراک ته دعامه ؤافکاراوارانه ورورسيږي يوازې هغه کسان يې کتلې شي چې دباطني سترګوخاوندان دي بالاخره هغه نظريات چې تاسې بې بيانو ى ( مثلا کهربايې مثبت يامنفي توب اونور) دهغوعلم هم له يوڅوطبعي حکماؤڅخه پرته بل چاته بلاواسطه نه حاصليږي لږترلږه که دانبياؤ عليه السلام په مشاهداتواوتجربوباندې باوراواعتمادوکړاى شي نوپه دې کارډېراختلافونه له منځه وتلې شي .له احاديثوڅخه دغه خبره څرګنديږي چې دنوروطبعي نواميسوپه شان وريځواوريادانتظاماتولپاره هم دپرښتوډلې مقررې دي چې دوى وريځې په مناسبووختونوکې رسوي اودضرورت مصلحت په مقتضي ورڅخه کاراخلي که ستاسې له بيان سره سم وريځواوځمکې اونوروکهربايېه وومدبرکومه غيرمرئېه پرښته وي نوپه دغه کې دانکارڅه وجه ده هغه شى چې تاسې يې (( کهربايې شراره )) بولي کله چې هغه له پرښتې له خاصوتصرفاتوڅخه پيداکيږي نوکه هغه ته د وحي په ژبه سره ( مخارق من نار)دپرښتواورتويوونکې متروکه )) ويلې شوى ده ،نوپه دغه کې تاسې ته څه جنجال درپيښيږي په کوم تڼهاراوکړنګهارچې په شدت اوسخت اشتعال سره پيداکيږي که دحقيقت له مخې دهغونه دپرښتوپه غږسره تعبيروکړى نودغه ډېربه ښه اوموزون تعبيروي په هرحال هغه شى چې ( ساينس ) په صورت پوهيدلې دى وحي دهغه په روح اوحقيقت باندې مونږپوره پوه اوخبرکړي يونوڅه ضرورت دى چې خامخادغه دواړه يودبل حريف اومقابل وګڼل شي علامه محموددالوسي رحمه الله په روح المعانى د( البقرة ) په شرح کې په دغه موضوع باندې معقول بحث کړى دى هلته دې وکتل شي ، (وَيُرْسِلُ الصَّوَاعِقَ) الايه ، اوليږي الله جل جلاله تندرونه نورسوي اوغورځوي دغه تندرونه پرهغه چاچې اراده وفرمائى چال داچې دغه خلك جګرى کوي په شان دالله جل جلاله کې حال داچې الله جل جلاله سخت دى عقوبت دده چې ) پردغوجګره کوونکودعذاب تندرونه غورځوي ،په حديث کې دي چې پاک رسول عليه السلام يوه عرب متکبررئېس ته يوسړي وليږه چې هغه ماته راوله قاصددرسول الله عليه السلام دغه پيغام هغه ته ورساوه اوورته يې وويل چې رسول الله صلی الله عليه وسلم تابولي هغه وويل چې رسول الله څوک دى ؟ دالله څه شى دې دسروزرودي ؟ که دسپينو؟که دمسو؟ العياذبالله اوداخبره يې درې ځلې وکړه دريم ځلې يې لاهغه ناوړي خبرې نه وي تمامې کړى چې يوناڅاپه يوه وريځ راپيده شوه اوسمدستې تندرپرې ولويداودهغه کوپرې يې له سرڅخه جلاکړه په ځينورواياتوکې راغلي دي چې ( عامربن طفيل ) اواربدبن ربيعه ) درسول الله صلی الله عليه وسلم مبارک په خدمت کې حاضرشول اوويې ويل چې مونږ په دغه شرط سره اسلام راوړوچې وروسته له تاسې اسلامي خلافت مونږ ته راورسيږي رسول الله صلی الله عليه وسلم ددوى له دغې غوښتنې څخه انکاروکړدوى داخبره وکړه اوله مجلسه پاڅيدل اوويې ويل چې مونږ به دمدينې وادى ستاسې دمقابل لپاره له سپرواوپليوڅخه ډکه کړورسول الله صلی الله عليه وسلم وفرمايل چې پاک الله جل جلاله به دهغوى مخه وسيې اودمدينې انصاربه دهغوى دمقابلې لپاره ووځي دو ى دواړه ولاړل په لاره کې په (اربد) باندې تندراوټکه ولويده او( عامر) پمن شواوطاعونې خارښت سره په هلاکت ورسيد.
Source: {powered by: islamlacom.com}[ جُز يا پاره - و مآ ابرئ 13 ؛ سورة - الرعد 13 ؛ آيت - 13 ] (13:13)