Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(13:24) (آيت نمبر:سورة نمبر)
سلام عليكم بما صبرتم فنعم عقبى الدار

سَلَامٌ عَلَيْكُمْ بِمَا صَبَرْتُمْ ۚ فَنِعْمَ عُقْبَى الدَّارِ
له کابلي تفسير څخه پښتو ژباړه:
 سلامتيادې وي په تاسې په سبب دصبر كولوستاسې ( په طاعت اومصيبت اوله معصيت څخه ) نوښه عاقبت دار( دآخرت عاقبت ستاسې دى ) .
د مولوي قيام الدين کشاف پښتو ژباړه:
او هغو ته به ووائي چې " پر تاسې سلامتيا ده ، څنګه چې تاسې په دنيا كښې له صبر څخه كار واخيست د هغه په بركت نن تاسې ددې وړ ګرځېدلي ياست " نو څه ښه دى دغه د اخرت كور!
له کابلي تفسير کتاب څخه پښتو تفسير:
 تفسير: يعنې په مصيبتونو،اوددنياپه مكروهاتويې صبروکړ،دکومې سختې له وېرې يې دطاعت له ليارې څخه خپل پل چپ کښېنود،اومعصيت په لورى يې ميلان ونه کړاودغه صبر اواستقلال يې يوازې دالله تعالى جل جلاله درضاء ، اوخوښۍ دحاصلولولپاره وکړاوددې له امله يې ونه کړچې په دنياکې خلك ورته ډيرصابراومستقل مزاج ووايې نه ددې لپاره چې غيرله صبرڅخه بله کومه لاره نه وه ورته پاتې نودمجبوريت له امله يې صبروکړاودصابرانوپه شان کيناست .
( اونفقه کوي لګوي په لاره دالله کې ځنې له هغوى حلالومالونوڅخه چې ورکړي دى مونږ دوى ته په پټه اوپه ښکاره ښائى پټه يې له دې سببه مخکې ذکرکړى وي چې په پټه سره خيرات ورکول خوراښه دى مګرپه هغوځايونوکې چې په ښکاره ورکولوکې شرعي مصلحت وي
( اودفع کوي دوى په نيکى سره بدى دغه کسان موصوف په دې صفاتوشته دوى ته ښه عاقبت ددارداخرت چې جنتونه دتل اوسيدلودى يعنې دبدۍ ځواب په نيکۍ اودسختۍ مقابله په نرمۍ سره کوى که دچاله لورى پرې ظلم اوتيرى وشي نوورڅخه تيريږي اوبښي يې په دې شرط چې دهغه په بښلوکې دبدۍ دزياتوالى انديښنه نه وي له بدۍ ځنې ځان ژغوري اونيکې غوره کوي ،که کوم وخت ترې څه بدکارصادرشي نودهغه په مقابل کې ښه کارکوي ( يعنې ترې توبه باسي اوپه عبادت اوسخاوت سره دهغې ګناه تلافي هم کوي ) نودغونيکوکارانوته دهغه جهان ښه عاقبت ورپه برخه کيږي .
(يَدْخُلُونَهَا وَمَنْ صَلَحَ) الاية ، چې ننوزي به دوى په هغه کې اوننوزي به په کې بل هغه څوک چې صالح مومن وي له پلرونوددوى اوله ښځوددوى اوله اولادې ددوى اګرکه عمل يې دهغوپلرونوپه درجه نه وي ) يعنې په همغه جنت کې به هميشه اوسيږي اوپرښتى به ورننوځي په دوى سره له تحفواوزيري درضوان له هرې دروازې دماڼيوددوى اووايې به ورته چې سلامتيادې وي په تاسې په سبب دصبرکولوستاسې په طاعت اومصيبت اوله معصيت څخه ٠ نوښه عاقبت دداردآخرت عاقبت ستاسې دى ..)
داباء ،پلرونو)) لفظ يې تغليباويلي دي چې په هغه کې (( امهات) ميندي ، هم شاملي دي .دجنت دزيري سره يې دغه زيات بشارت هم ورکړچې داسې کاملينوته دهغوى پاس بيان شووښو خويونو اوخصلتونو په بدل کې يودغه نعمت اوخوشحالي به هم ورحاصله وي چې دوى له خپلوهغو ميندو،پلرونو) ، اولادونواوښځوسره چې دخپل ايمان اونيکۍ له امله دجنت ددخول لايق شوي وي ګردسره يوځاى کيږي تردې که ددغومتعلقينودکوم يوه رتبه کمه هم وي نوحق تعالى په خپلې مهربانۍ اولورينى سره دهغه رتبه هم لوړه وي اوله دغه کامل سړي سره يې نژدې کوي لکه چې په (٢٧)جزدالطور) (٢١) ايت اوله رکوع کې راغلي دي (وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ) له دې نه معلومه شوه چې بې له ايمان اوصالح عمل څخه يوازې دکاملينوقرابت کافي نه دى هو،.که ايمان اوصالح عمل موجودوى نودقرابت له امله ددرجاتوڅه ترقي ممکنه ده والله اعلم .
(وَالمَلاَئِكَةُ يَدْخُلُونَ عَلَيْهِم مِّن كُلِّ بَابٍ) اوپرښتې به ورننوځي په دوى ،سره له تحفواوزېري اورضوان له هرې دروازې دماڼيوددوى ) په صحيح حديث کې دجنت اته ورونه بيان شوي دي .
مطلب دادى چې ددغوکاملينودتعظيم اوتکريم لپاره به دالله تعالى جل جلاله کې پرښتې له هرطرفه له تحفواوهداياؤسره ورحاضريږي ، په احاديثوکې دي چې له مخلوقاتوڅخه به لومړى هغه فقرااومهاجرين جنت ته داخليږي چې په سختيواومصائبواوجنګونوکې حاضرشوي وي ،اوددښمن په مخ کې په ډيرشجاعت اوغيرت سره دريدلې وي ،اودهرهغه حکم دتعميل لپاره به تل حاضر، منتظر اوتيارولارړووچې هغو ى ته ورکول کيده دنيوي اړتياوي اودزړه ارمانونه يې په زړونوکې پاتې اومړه شوي وي ،الله تعالى جل جلاله به دقيامت په ورځ کې وفرمايې زماهغه بندګان چيرې دي ( راحاضردې شي ) چې زماپه ليارکې جنګيدلې دي اوزمالپاره يې تکليفونه ګاللي دي اوجهاديې کړى دى ،ځئ بې له انديښنې جنت ته داخل شى ،بياپرښتوته حکم کيږي چې زمادغوبندګانوته ورحاضرې شى ؟ .
اوسلام ورواچوي ،پرښتې دتعجب اواستفادې په توګه نه داعتراض په ډول داسې عرض کوي ،اى خدايه ، مونږ ستاله خوراښومخلوقاتوڅخه يو،ايامونږ ته چې ستادقرب ددرباراوسيدونکي يوحکم راکوى چې ددغود ځمکو اوسيدونکوحضورته ورحاضرې شو،اوسلامونه ورواچوو؟ ارشادورته کيږي چې هو،دازماله هغوبندګانوڅخه دي چې په توحيدباندې يې خپل ځانونه جارکړي دي اوسره له دې چې ددوى زړونه له دنيوي ارمانونوڅخه ډک وو،دوى زماپه لياره کې جهادکړى دى اوهرتکليف يې په ډيره خوښۍ سره ګاللى دى خبرې داوريدلوپه اثربه ګردې پرښتې له هرلورى ددوى خدمت ته حاضريږي ، اووايې به (( سلام عليکم بماصبرتم فنعم عقبى الدار)) په حديث کې دي چې نبى کريم صلی الله عليه وسلم به دهرکال په سرکې دشهيدانو قبرونوته تشريف وروړ،اوداسې به يې فرمايل : سلام عليکم بماصبرتم فنعم عقبى الدار)) اودهمدې پاک سنت متابعت به دحضرت ابوبکر رضي الله عنه ، عمر رضي الله عنه اوعثمان رضي الله عنه له لورى هم کيده .
Source: {powered by: islamlacom.com}[ جُز يا پاره - و مآ ابرئ 13 ؛ سورة - الرعد 13 ؛ آيت - 24 ] (13:24)