Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(10 (11 (12 (13 (14 (15 (16 (17 (18 (19 (1:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(18:17) (آيت نمبر:سورة نمبر)
وترى الشمس إذا طلعت تزاور عن كهفهم ذات اليمين وإذا غربت تقرضهم ذات الشمال وهم في فجوة منه ذلك من آيات الله من يهد

وَتَرَى الشَّمْسَ إِذَا طَلَعَتْ تَزَاوَرُ عَنْ كَهْفِهِمْ ذَاتَ الْيَمِينِ وَإِذَا غَرَبَتْ تَقْرِضُهُمْ ذَاتَ الشِّمَالِ وَهُمْ فِي فَجْوَةٍ مِنْهُ ۚ ذَٰلِكَ مِنْ آيَاتِ اللَّهِ ۗ مَنْ يَهْدِ اللَّهُ فَهُوَ الْمُهْتَدِ ۖ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا
له کابلي تفسير څخه پښتو ژباړه:
 او وينې به ته لمر كله چې راخيژي نوميلان كوې له غاره ددوى ښي طرف ته اوكله چې لويږي نوپريږدي دوى ( اوترې تيريږي ) كيڼ طرف ته اودوى په ارت ميدان كې دي له دې غاره ، دغه ( ددوى ذكرشوى حال ) له دلائلو( دقدرت ) دالله دى . هرچاته چې سمه صافه لاروښوده الله نوهمغه دى دسمې صافې لارې موندونكى اوهرڅوك چې ګمراه يې كړى ( الله ) نوله سره به نه مومې ته ده ته كوم دوست لارښوونكى .
د مولوي قيام الدين کشاف پښتو ژباړه:
كه تا هغوى په څمڅه كښې ليدلي واى نو داسې به درته ښكاره شوې وه چې لمر چې كله را خيژي نو د هغو څمڅه پريږدي ښي لوري ته تاويږى او كله چې پر يوزى نو له هغو نه كيڼ لوري ته اوړي پر يوزي او هغوى په څمڅه كښې دننه په يوه پراخ ځاى كښې پراته دي. دا دالله له نښانو څخه يوه ده چاته چې الله سمه لاره وښيي همغه سمه لاره ميندونكى دى او څوك چې الله بې ليارې كړي د هغه له پاره به ته كوم لاښود سرپرست ونشى ميندلى.
له کابلي تفسير کتاب څخه پښتو تفسير:
 تفسير: يعنې ( الله تعالى ) پخپل کامل قدرت سره دويته دداسې ځاى لارښودنه وکړه چې هلته په امن اومطمئن شول اوپه ارامۍ اوهوسايي سره پريوتل نه دځاى دتنګوالي څخه ددوى زړونه خپه وواونه لمردويته څه ربړاوتکليف رسوه ددغه غارمنځ ارت اوهواداره ؤلکه چې ( ابن کثيررحمه الله ) ليكي ددې لامله چې ددغه غارمخ دشمال په لورى ؤنوداسې وضع اوموقعيت يې درلودچې دضرورت په اندازه به لمرورته رسيده اودهغه له تودوخي څخه به نه په تکليف کيدل .
مِنْ آيَاتِ اللَّهِ مَن يَهْدِ اللَّهُ فَهُوَ الْمُهْتَدِي وَمَن يُضْلِلْ فَلَن تَجِدَ لَهُ وَلِيًّا مُّرْشِدًا تفسير: يعنې ټولې ظاهري اوباطني لارښوونې يوازې دده په قبضه کې دي وګوره هغه وخت چې ګرده دنيادګمراهۍ خواته روانه وه ( اصحاب الکهف ) يې څرنګه دهدايت په لارټينګ اوثابت قدم کړل اوپه ظاهري ډول يې هم څرنګه يوه عجيبه غارته ددوى لارښوونه وکړه .
Source: {powered by: islamlacom.com}[ جُز يا پاره - سبحٰن الذی 15 ؛ سورة - الكهف 18 ؛ آيت - 17 ] (18:17)