Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(20:103) (آيت نمبر:سورة نمبر)
يتخافتون بينهم إن لبثتم إلا عشرا

يَتَخَافَتُونَ بَيْنَهُمْ إِنْ لَبِثْتُمْ إِلَّا عَشْرًا
له کابلي تفسير څخه پښتو ژباړه:
 چې ورو وروپټې پټې خبرې به كوي په منځ خپل كې (اوداسې به وايي چې ) درنګ نه دى كړى تاسې مګرلس ( ورځې په دنياكې ) .
د مولوي قيام الدين کشاف پښتو ژباړه:
په خپلو مينځو كښې په پټ پټ ووايي چې په دنيا كښې به تاسې ايله بيله لس ورځې تېرې كړې وي،،.
له کابلي تفسير کتاب څخه پښتو تفسير:
 تفسير : يعنې دوى چې له قبره راووځي او د اخرت د اوږدې ورځې هولناك واقعات وګوري نو د قبر يا ددنيا شپې به ورته دومره لرې ښكاره شي چې ته به وايي يوه هفته يا لس ورځې يې هلته تېرې كړې دي بلكه دنيا پرې ډيره ژر تېره شوې ده ددې دنيا مزې او خوندونه او اوږده اميدونه به يې ټول هيرشي د خپل عمر په خوشې چټي ضايع كولو به ندامت كوي يا ښايي د معذرت په ډول به داسې وايي يعنې په دنيا كې مونږ ته ډيره لږه موده د هستوګنې مهلت راكړى شو او فرصت مو بيخي ونه موند چې د آخرت لپاره موڅه زيرمه برابره كړې واى لكه چې ( د روم په ۶ ركوع ) كې يې ويلي دي : ( وَيَوْمَ تَقُومُ السَّاعَةُ يُقْسِمُ الْمُجْرِمُونَ مَا لَبِثُوا غَيْرَ سَاعَةٍ ) .
Source: {powered by: islamlacom.com}[ جُز يا پاره - قال الم 16 ؛ سورة - طه 20 ؛ آيت - 103 ] (20:103)