Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(20:114) (آيت نمبر:سورة نمبر)
فتعالى الله الملك الحق ولا تعجل بالقرآن من قبل أن يقضى إليك وحيه وقل رب زدني علما

فَتَعَالَى اللَّهُ الْمَلِكُ الْحَقُّ ۗ وَلَا تَعْجَلْ بِالْقُرْآنِ مِنْ قَبْلِ أَنْ يُقْضَىٰ إِلَيْكَ وَحْيُهُ ۖ وَقُلْ رَبِّ زِدْنِي عِلْمًا
له کابلي تفسير څخه پښتو ژباړه:
 نوپورته دى الله تعالى ( په ذات اوصفاتوخپلوكې ) چې پاچادى حق ، رښتنى اوتلوارمه كوه ته ( اى محمده ! ) په ( لوستلود) قرآن پخواله هغه چې پوره كړه شي تاته وحيه دده اووايه ( اى محمده ) اى ربه زما؛ زيا ت كړې مالره علم .
د مولوي قيام الدين کشاف پښتو ژباړه:
نو پورته او لوړ دى الله، حقيقى باچا. او (ګوره)، د قرآن په لوستلو كښې تلوار مكوه تر څو پورې چې تاته د هغه بشپړه وحى نه وي رسول شوې ، او دعا و كړه چې اى پروردګاره ِ! ماته لا زيات علم راكړه.
له کابلي تفسير کتاب څخه پښتو تفسير:
 تفسير : يعنې هغه پاك الله جل جلاله چې داسې عظيم الشان قرآن يې نازل كړ او خپلو بندګانو ته يې داسې رښتيا ، صافې سمې ، اساسي خبرې د دوى د فايدې دپاره واورولې .
وَلَا تَعْجَلْ بِالْقُرْآنِ مِن قَبْلِ أَن يُقْضَى إِلَيْكَ وَحْيُهُ وَقُل رَّبِّ زِدْنِي عِلْمًا تفسير : يعنې هركله چې پاك قرآن داسې مفيد او عجيب شى دى نو همغسې چې مونږ هغه په تدريج ورو ورو پر تا نازلوو ته هم د هغه په اخيستلو كې له جبرائيل عليه السلام څخه تلوار مه كوه څه مهال چې پرښته وحى لولي او تاته يې اوروي ته يې په تلوار له هغې سره يو ځاى مه لوله : ځكه چې مونږ ددغې خبرې ذمه كړې ده چې عظيم الشان قرآن ستا له سينې څخه ونوځي نو ته ولې په دغه فكر او انديښنه كې يې : نه چې د پاك قرآن كوم توري له ما څخه هېر شي بلكه ددغه فكر په ځاى داسې دعا كوه چې اى خدايه د قرآن لا زياته پوهه او له پخوا نه زيات علوم او معارف را په برخه كړه وګوره چې آدم عليه السلام په يوه شي كې بې ځايه تلوار كړى و د هغه انجام څنګه شو .
حضرت شاه صاحب رحمه الله ليكي : ( څه مهال به چې جبرائيل عليه السلام قرآن راوړ نو محمد صلی الله عليه وسلم به د جبرائيل عليه السلام د لوستلو سره يو ځاى په لوستلو پيل كاوه او ددې يوځاى لوستلو څخه يې مقصد دا و چې راڅخه هېرنشي له دينه يې پخوا هم منع كړى و لكه چې په ۲۹ جزء د قيامت د سورت په ۱۶ آيت ۱ ركوع كې راغلي دي : ( لاَ تُحَرِّكْ بِهِ لِسَانَكَ لِتَعْجَلَ بِهِ ـ إِنَّ عَلَيْنَا جَمْعَهُ وَقُرْآنَهُ ) او تسلې يې وركړې وه چې د قرآن در په ياد ساتل او نورو خلكو ته د هغه رسونه زمونږ په ذمه ده ليكن د بشريت په مقتضى ښايي چې دغه توصيه يې هېره شوې وي نوځكه يې په دغه آيت سره تقييد وكړ او په دغه هېرېدلو باندې يې وروسته د ( آدم عليه السلام ) مثال هم بيان كړ .
Source: {powered by: islamlacom.com}[ جُز يا پاره - قال الم 16 ؛ سورة - طه 20 ؛ آيت - 114 ] (20:114)