Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(21:1) (آيت نمبر:سورة نمبر)
اقترب للناس حسابهم وهم في غفلة معرضون

بِسْمِ اللَّهِ الرَّحْمَٰنِ الرَّحِيمِ اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ
له کابلي تفسير څخه پښتو ژباړه:
 نزدې شوخلكوته ( وخت د) حساب ( اوجزا) ددوى حال داچې دوى په غفلت كې دي ( د حساب اوجزانه ) مخ ګرځوونكي دي ( د ايمان راوړونه پدې سره) .
د مولوي قيام الدين کشاف پښتو ژباړه:
را نژدې شويدى د خلكو د حساب وخت، او د هغو دا حالت دى چې په غفلت كښې مخ اړوونكي دي
له کابلي تفسير کتاب څخه پښتو تفسير:
 سورة الانبياء مكية ركوعها ( ۷ ) آيتها ( ۱۱۲ ) عدد تلاوتها ( ۲۱ ) عدد نزولها ( ۷۳ ) نزلت بعد ابراهيم :
د الانبياء سورت مكي دى ( ۷ ) ركوع ( ۱۱۲ ) آيتونه لري په تلاوت كې ( ۲۱ ) او په نزول كې ( ۷۳ ) سورت دى د ابراهيم عليه السلام له سورت څخه وروسته نازل شوى دى .
تفسير : يعنې د حساب او كتاب او مجازاتو ساعت رارسېدونكى دى ليكن دغه مشركين او نور خلك په سخت غفلت او جهالت كې پراته دي او د قيامت د ځواب وركولو دپاره هيڅ يو تيارى نه نيسي او كله چې دوى ته د الله جل جلاله آيتونه اورول كيږي او نصيحت ورته وشي چې د غفلت له خوبه راويښ او راپورته شئ نو په ډيرې بې پروايۍ او بې اعتنايۍ سره يې اوري او هيڅ اهميت او ارزښت ورته نه وركوي او داسې يو وضعيت اختيار وي چې ګواكى دوى له سره له الله جل جلاله سره مخامخ كېدونكي نه دي او نه څه حساب او كتاب ورسره كيږي رښتيا ده : ( الناس فى غفلاتهم : ورحاء الميتة تطحن ــ خلك په خپلو غفلتونو كې دي او د مرګ ژرنده اوړه كوي ) .
Source: {powered by: islamlacom.com}[ جُز يا پاره - اقترب 17 ؛ سورة - الأنبياء 21 ؛ آيت - 1 ] (21:1)