Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(26:101) (آيت نمبر:سورة نمبر)
ولا صديق حميم

وَلَا صَدِيقٍ حَمِيمٍ
له کابلي تفسير څخه پښتو ژباړه:
 اونه كوم دوست مخلص ( چې زمونږپه دغه غم غمجن شي ).
د مولوي قيام الدين کشاف پښتو ژباړه:
او نه څوك صميمى دوست.
له کابلي تفسير کتاب څخه پښتو تفسير:
 تفسير : يعنې بتان او بت پرستان او د ابليس ټول لښكر به پړ مخې په دروزخ كې غورځول كيږي دې ځاى ته د رسيدلو څخه وروسته به دوى پخپلو منځونو كې سره جګړې كوي او يو پر بل باندې به الزام او ملامتى اچوي او بالاخره ګرد به په خپلو ګمراهيو اقرار او اعتراف كوي او وبه وايي چې ( بېشكه له مونږ څخه ډيره لويه ګناه او غلطي شوې ده چې تاسې ( بتانو يا نورو شيانو ) ته مو د خدايي حقوق او اختيارات دركړي وو او له رب العالمين سره مو برابركړي وئ ! نو په دغه غټه ګناه او لويه غلطي كې ددغو لويو شيطانانو په ښوونه او ښويونه لويدلى يو او دغه بد كارونه دوى په مونږ باندې كړي دي چې د هغو له امله مونږ په دغه غم او مصيبت كې اخته شوي يو او نن ورځ مو نه بتان په كار راځي او نه شيطانان راسره مرسته كوي ځكه چې هغوى پخپله د دوزخ په لمبو كې غوټې وهي اوس مونږ دومره څوك هم نه لرو چې د الله جل جلاله په دربار كې زمونږ شفاعت وكړي يا ددغه غم او مصيبت او اړتيا په وخت كې له مونږ سره لږ زړه سوى او خواخوږي او د همدردى اظهار كړي .
رښتيا ده چې ( الأَخِلاَّء يَوْمَئِذٍ بَعْضُهُمْ لِبَعْضٍ عَدُوٌّ إِلاَّ الْمُتَّقِينَ ) ( د زخرف ۶ ركوع ۲۵ جزء ) .
Source: {powered by: islamlacom.com}[ جُز يا پاره - و قال الذين 19 ؛ سورة - الشعراء 26 ؛ آيت - 101 ] (26:101)