Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(28:12) (آيت نمبر:سورة نمبر)
وحرمنا عليه المراضع من قبل فقالت هل أدلكم على أهل بيت يكفلونه لكم وهم له ناصحون

وَحَرَّمْنَا عَلَيْهِ الْمَرَاضِعَ مِنْ قَبْلُ فَقَالَتْ هَلْ أَدُلُّكُمْ عَلَىٰ أَهْلِ بَيْتٍ يَكْفُلُونَهُ لَكُمْ وَهُمْ لَهُ نَاصِحُونَ
له کابلي تفسير څخه پښتو ژباړه:
 اوحرام ( منع ) كړى ؤمونږپه دغه ( موسى تى رودل د) دايه گانوله پخوا( دبيرته ورتلومورخپلې ته ) نووويل (خوردموسى ) آياخبركړم زه تاسې په اهل د( داسې ) كاله باندې وخلئ وساتي دا(هلك) تاسې ته اودوى به ده ته له خيرغوښتونكووي .
د مولوي قيام الدين کشاف پښتو ژباړه:
او مونږ پرهلك باندې لادمخه د شيد و وركوونكو تيونه حرام كړي وو.( د دغه حالت په ليدلو سره ) هغې نجلۍ هغوته وويل ((ايا زه تاسې ته ديو داسې كور څرك دركړم چې دهغه اوسېدونكي ستاسې له پاره د ده پالنه پرغاړه واخلي او په خير خواهۍ سره يې وساتي ؟
له کابلي تفسير کتاب څخه پښتو تفسير:
 تفسير : يعنې د فرعون ښځې ملعون فرعون هم ددغه هلك په پالنه او ساتنه راضي كړ دلته د تي وركوونكې فكر ورپيداشو او ډيرې دائي ګانې يې راوغوښتلې مګر قدرت لا له پخوا څخه د موسٰى عليه السلام شونډې تړلې وې چې پرته د خپلې مور له تي څخه د بل چا تى په خوله ونه نيسي نو سخت تشويش ورپيداشو چې داسې يوه دايه به له كومه ځايه راپيداكړى شي چې دغه هلك يې تى وروي ؟
ځكه چې موسٰى عليه السلام به مطلقاً د هيڅ يوې ښځې تى نه روده د فرعون ملازمان او خدمتګاران په همدغه فكر او اندېښنه كې وو چې د موسٰى عليه السلام خور وويل : ( زه داسې يوه كورنۍ تاسې ته ښودلى شم چې ممكنه دده دغه هلك د هغې كورنۍ د كومې ښځې تى ورودي او تر هغه ځاى پورې چې زه معلومات لرم هغوى به په ډيرې لورينې او خبر غوښتنې سره ددغه هلك روزنه او پالنه كوي ځكه چې هغه كورنۍ ډيره شريفه او نجيبه كورنى ده او سربېره په هغه د پاچاهۍ له كوره د انعام او اكرام لوى توقعات هغوى دې ته اړ كوي چې ددغه هلكي پالنې او روزنې ته ښه توجه او پام ولري ) په نتيجه كې د همدې نجلۍ په مشوره د حضرت موسٰى عليه السلام مور وغوښتله شوه څنګه چې دى خپلې مور سينې ته نژدې كړ په ډيره مينه او محبت سره يې خپل ځان د مور په تى پورې ونښلاوه او په تي رودلو يې پيل وكړ فرعوني كورنۍ ته ددغې ښځې پيداكېدل ډير غنيمت معلوم شول چې بالاخره هغه هلكى د يوې مرضعې ( يعنې د خپلې مور ) تى قبول كړ او شودې يې ورودلې په دغه كار ګرد سره خوښ او خوشحال شول او ډير انعامونه او اكرامونه وركړل شول مګر مرضعې خپل ځينې عذرونه او ضرورتونه وروړاندې كړل چې : ( زه د هغو له امله دلته نشم اوسېدلى كه راته داسې امر او اجازه وشي چې دغه هلكى له خپله ځانه سره كورته يوسم او هلته يې په بې غمۍ سره روزنه او پالنه وكړم لكه چې په همدغه پاس ترتيب سره بيا موسٰى عليه السلام په امن او اطمينان سره د خپلې مور غيږې ته ورسېد او د فرعون هغه طلب او تنخاه چې ددغې مرضعې لپاره ټاكلې شوې وه هم وړيا په لاس ورغله .
Source: {powered by: islamlacom.com}[ جُز يا پاره - امن خلق 20 ؛ سورة - القصص 28 ؛ آيت - 12 ] (28:12)