Holy Quran Pashto Translation [Kabuli Tafseer; M. Q. Kashaf; islamlacom.com]
(
(1 (2 (3 (4 (5 (6 (7 (8 (9
(20 (21 (22 (23 (24 (25 (26 (27 (28 (29 (2:

Give us a like, if you really like us! که ستاسو دغه پاڼه خوښيږي نو يې لطفا په يو لايک ونازوئ

(29:24) (آيت نمبر:سورة نمبر)
فما كان جواب قومه إلا أن قالوا اقتلوه أو حرقوه فأنجاه الله من النار إن في ذلك لآيات لقوم يؤمنون

فَمَا كَانَ جَوَابَ قَوْمِهِ إِلَّا أَنْ قَالُوا اقْتُلُوهُ أَوْ حَرِّقُوهُ فَأَنْجَاهُ اللَّهُ مِنَ النَّارِ ۚ إِنَّ فِي ذَٰلِكَ لَآيَاتٍ لِقَوْمٍ يُؤْمِنُونَ
له کابلي تفسير څخه پښتو ژباړه:
 پس نه ؤځواب دقوم دهغه ( ابراهيم ) مګرداؤچې وويل دوى ووژنئ تاسې هغه ( ابراهيم ) ياوسوځوئ هغه پس نجات وركړهغه ( ابراهيم ) ته الله له ( ضرره د) اوره بيشكه په دغه ( له اورڅخه دحضرت ابراهيم 4 په نجات ) كې خامخاډيردلائل ( دقدرت ) دي لپاره دهغه قوم چې ايمان يې راوړى دى
د مولوي قيام الدين کشاف پښتو ژباړه:
بيا دهغه (ابراهيم) د قوم ځواب له دې پرته نورڅه نه وء چې هغوى وويل: دى ووژنئ يايې وسوځئ په پاى كښې الله تعالٰى هغه له اوره وژغوره په يقينى ډول پدې كښې نښانې دي دهغو خلكو لپاره چې ايمان راوړونكي دي.
له کابلي تفسير کتاب څخه پښتو تفسير:
 تفسير : يعنې هغه كسان چې د الله جل جلاله له خبرو څخه انكار كوي او د الله جل جلاله سره د مخامخ كېدلو اميد نه لري نو هغوى به څرنګه د الله جل جلاله د رحمت اميد كولاى شي ( ځكه چې دوى له مړينې وروسته بيا ژوندي كېدل نه مني نو دوى به په آخرت كې هم محروم او مايوس پاتې كيږي او دغه د ( مَن كَانَ يَرْجُو لِقَاء اللَّهِ فَإِنَّ أَجَلَ اللَّهِ لآتٍ ) د همدې سورت لومړۍ ركوع عكس شوه يعنې كله چې د ابراهيم عليه السلام قوم دده د تمامو معقولو خبرو او دلائلو او براهينو د اورېدلو له ځواب څخه عاجز شو نو د قوت استعمال ته يې اقدام وكړ په خپلو منځو كې يې سره جرګه او مشوره وكړه چې يا ښايي دى ووژل شي او يو ځلې دغه قصه پاى ته ورسيږي يا په اور كې وسوځولى شي څو يې د ربړ او تكليف له احساسولو څخه له خپلو دغو خبرو څخه واړوي كه ده له خپلو دروغو څخه توبه وايسته نو نه به يې سوځوو كه نه په اور كې به يې غورځوو چې د ايرو يو ډيرى ترې جوړه شي .
فَأَنجَاهُ اللَّهُ مِنَ النَّارِ
تفسير : يعنې د دوى د مشورو او جرګو په اثر ابراهيم عليه السلام په اور كې وغورځول شو مګر الله جل جلاله اور پرې ګلزار كړ لكه چې ( د الانبياء ) په سورت كې دا قصه په مفصل ډول تېره شوې ده هلته دې وكتله شي
إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ تفسير : يعنې دغې واقعې دا راښكاره او څرګنده كړه چې الله جل جلاله خپلو صادقو بندګانو ته څرنګه نجات وركوي ؟ او د حق مخالفان څرنګه زيانمن او ناكامه كوي ؟ دا هم معلومه شوه چې د هر شي تاثير د الله جل جلاله په حكم سره دى كله چې د الله جل جلاله حكم ونه شي نو د اور په شان يو شى هم سوځول نشي كولاى .
Source: {powered by: islamlacom.com}[ جُز يا پاره - امن خلق 20 ؛ سورة - العنكبوت 29 ؛ آيت - 24 ] (29:24)